Ministria e Energjisë dhe Industrisë informon se që prej ditës së nesërme do të nisë puna në terren për të kryer montimin e dy stacioneve sizmike të cilat do të shërbejnë për monitorimin sizmologjik të aktivitetit në vendburimin e naftës në zonën e Patos- Marinzës. Përfaqësues të Ministrisë, të Albpetrolit, të Agjencisë Kombëtare të Burimeve Natyrore dhe të Institutit të Gjeoshkencës do të jenë në zonën e Patos Marinzës për të kryer veprimet e para të përcaktimit të zonës ku do të montohen dy stacionet të cilat tanimë kanë mbërritur dhe janë gati për tu vënë në punë. Burime zyrtare nga MEI thanë se fillimisht do të nisë monitorimi i lëkundjeve përmes këtyre dy stacioneve dhe më pas do të vendoset edhe një i tretë fiks dhe dy të tjerë të lëvizshëm. Së bashku, këto pesë stacione do të mund të shërbejnë për të nxjerrë konkluzionin për shkaqet e lëkundjeve dhe nëse ato kanë apo jo lidhje me aktivitetin naftë nxjerrës të kompanisë Bankers Petroleum që operon në Patos Marinzë.Ministria e Energjisë dhe Industrisë garanton se është e vendosur për të zbuluar sa më shpejt shkaqet e lëkundjeve dhe për t’i dhënë përgjigje shqetësimit të banorëve të zonës.

Drejtori i Agjencisë së Legalizimit, Artan Lame, tha sot, në një konferencë për shtyp, se procesi i legalizimit të ndërtimeve informale është keqmenaxhuar dhe se situata është kaotike. Në një konferencë për shtyp, Lame tha se duhet gjetur një zgjidhje ligjore për situatën e krijuar, pasi procesi është aq i deformuar sa ligjërisht duhet anulluar gjithçka, por presioni i qytetarëve, të cilët kanë 8 vite që sorollaten, është i madh, ndërsa janë detyruar të paguajnë disa herë për të legalizuar pronën. Sipas Lames, vetëm 22 mijë objekte janë legalizuar në këto 8 vite nga 293 mijë aplikime që janë bërë që nga viti 2006. “Fondi i mbledhur nga legalizimet ka qënë burimi i vetëm në të gjithë këto vite për kompensimin e ish-pronarëve. Deri tani janë mbledhur 7.9 miliardë lekë, nga të cilat 6.98 duhet të kishin shkuar në një llogari të veçantë të buxhetit të shtetit për t’u përdorur ekskluzivisht për kompensimin e ish-pronarëve. Por, në fakt vetëm një pjesë e kësaj shume rreth 4 miliard lekë ka shkuar në destinacion, ndërsa rreth 3 miliard lekë ministria e Financave i ka përdorur për qëllime të tjera dhe në kundërshtim me ligjin”, deklaroi Lame. Kreu i ALUIZNIT tha se pas vitit 2008, janë punësuar me qindra punonjës me kontratë të përkohshme, të cilëve rezulton se nuk u janë derdhur pagesat për sigurimet shoqërore dhe ato shëndetësore. Vetëm për drejtoritë e Tiranës, Durrësit dhe Fierit, informoi Lame, ky borxh i akumuluar është 83 milionë lekë, ndërsa në rang vendi i kalon 100 milionë lekë.

Ndizen dritat e pemës së krishtlindjeve në kryeqytet. I pranishëm në këtë event ishte dhe kryetari i bashkisë së Tiranës, Z. Lulëzim Basha. Gjatë fjalës së tij, ai përshëndeti të gjithë fëmijët që ndodheshin në shesh, veçanërisht ata të Shtëpisë së Fëmijëve “Zyber Hallulli”.

Administrata e Bashkisë së Lezhës ka abuzuar me emrat e nxënësve qe do te përfitojnë bursa studimi, duke lëne jashtë liste persona qe janë ne nevoje dhe nuk kane asnjë te ardhur. Reagimi ka ardhur nga këshilltaret e majte dhe te djathte ne mbledhjen e Këshillit bashkiak, te cilët kane kërkuar rishikimin dhe njëherë te këtyre listave. Përballë kësaj situate, Partia Demokratike, nëpërmjet nënkryetarit te Këshillit Tonin Uldedaj ka kërkuar shtyrjen e kësaj pike te rendit te ditës dhe rishikimin nga ana e administratës se Bashkise. Nga ana tjetër këshilltari i majte, Arben Kola, ka shkuar me tej, duke thënë qe punonjësit e Bashkise qe kane kryer abuzime te ndiqen penalisht nga Prokuroria, pasi kane shkelur ligjin duke falsifikuar dokumentet. Kërkesa e përfaqësuesit te PD-se njëherazi edhe nënkryetar i këtij Këshilli për shtyrjen e kësaj pike te rendit te ditës u hodh ne votim ku mori mbështetjen e përfaqësueseve te te gjitha krahëve politike, ku është kërkuar ne mënyre urgjente reagimi i Bashkise për rishikimin e kritereve për burse.

Tridhjetë punonjës të shërbimeve qeveritare pushohen nga puna, në të njëjtën ditë dhe në të njëjtën orë! Më kot kërkojnë shpjegime apo të ankohen. Letra që mbajnë në dorë njoftoi edhe pushimin e tyre Për Shefin e sektorit të burimeve njerëzore, që është firmëtari i pushimeve masive nga puna, kriteri i përzgjedhjes ka qenë koha kur kanë filluar punë, dhe shpata ka prerë sipas tij, ata që kanë filluar më vonë. Tridhjetë punonjësit e shërbimeve qeveritari që i përkasin kategorive, pastruese, furnitor, shofer dhe sektorë të tjerë, i shtohen listës së gjatë të largimeve abuzive nga puna, që e konvertuar në vendimi gjykate i përkojnë një buxheti më vetë që do të paguhet me taksat e shqiptarëve.

Fondacioni Vodafone Albania në bashkëpunim me Ambasadën e Shteteve të Bashkuara te Amerikës në Tiranë çelën për herë të parë në Shqipëri forumin TechCamp Tirana. Ky forum do të sjellë për dy ditë me radhë ekspertë nga zyra E-diplomacy në Departamentin e shtetit të SHBA-së për të drejtuar një seminar dy ditor dinamik dhe bashkëpunues. TechCamp Tirana do të bashkojë aktivistë të mjedisit, organizata dhe përfaqësues të institucioneve që janë të interesuar në fuqizimin e shoqërisë civile nëpërmjet  zgjidhjeve dhe lehtësirave që ofron teknologjia. Ekspertët amerikanë dhe ata vendas do të diskutojnë në këtë seminar dy ditor se si të përdorin teknologjinë për të ruajtur dhe mbrojtur mjedisin. Falë ketij  trajnimi, pjesëmarrësit shqiptarë të fokusuar mbi mjedisin do të mësojnë se si të përdorin teknologjinë e fundit për të mbështetur dhe mbrojtur ambientin e bukur të Shqipërisë. Fondacioni Vodafone Albania, i cili është nje prej mbështetësve kryesor pret këtë forum në zyrat qendrore të Vodafone Albania ku u zhvillua ditën e enjte  edhe ceremonia e hapjes. Të ftuar nderi ishin, Ambasadori Amerikan Alexander Arvizu, Ministria e Inovacionit dhe Administratës Publike Milena Harito, Ministri i Mirëqenies sociale dhe Rinise Erion Veliaj të cilët përshëndetën dashamirësisht këtë nisëm dhe bënë thirrje që nisma të tilla të organizohen edhe më shumë në të ardhmen. Në fjalën e mbajtur gjatë nisjes së aktivitetit, Drejtori Ekzekutiv i Vodafone Albania Dietlof Mare u shpreh se Vodafone Albania është i lumtur të mikpresë një aktivitet të tillë të fokusuar mbi inovacionin për ti shërbyer mjedisit. Ky event, theksoi ai, përputhet me vizionin e Vodafone Albania për Përgjegjësinë e Biznesit duke nxitur zhvillimin e risive teknologjike për të mbrojtur dhe mirëmbajtur mjedisin.

Shkarkohet nga detyra drejtoresha e shkollës 9-vjeçare “Naim Frashëri” në kryeqytet, Tatjana Nebiaj. Kjo pasi, sipas i është raportuar shkarkimi pas inspektimit nga përfaqësues të Ministrisë së Arsimit, pasi pretendohet se është gjetur me shkelje. Tatjana Nebiaj drejtuese në shkolla të ndryshme për 8 vite dhe mësuese prej 30 vitesh, deklaron se shkeljet që pretendojnë se i kanë gjetur janë për fondet e mbledhura për pagesën e një roje në shkollë, gjë e cila nuk është e vërtetë. Sipas drejtoreshës, raporti kërkon që të shkëpusë kontratën dhe të mos ketë mundësi të punojë as si mësuese e thjeshtë për akuza te paqena pasi shpërndarja e fondit behet nga bordi i prindërve dhe jo nga drejtoria. “Masa disiplinore e imja është zgjidhje e menjëhershme e kontratës, je e pushuar fare dhe si mësues nuk mund të futesh. Cënim i politikës arsimore, anashkalim i bordit të shkollës, krijimi i mundësive për abuzime me shumat e lekëve të grumbulluara nga prindërit e nxënësve. Pra kanë ardhur me tendencë për t’i lënë vendet e lira të drejtorëve të shkollave. Unë nuk jam e përlyer me këto gjëra që shkruan projekt/propozimi. ”- deklaron zonja Nebiaj. Prindërit që janë edhe pjesë e bordit, tregojnë se për këto të ardhura është bërë transparenca e duhur. Ndërsa përsa i përket rojës së caktuar ai duhet për të siguruar jetën e nxënësve.  “Mbledhin lekë jo vetëm për rojën, por për rregullimin e bankave, për problematikën e testeve të mësimeve që bëjnë. Nuk paguajmë më ne 200 lekësha që të fotokopjojë mësuesja testin, por i bën nëndrejtori ose sekretaria të shpërndahen këto teste. ”- u shpreh njëri nga prindërit. Drejtoresha deklaron se ky presion po bëhet edhe në shumë shkolla të kryeqytetit, për të lënë vendin e punës  “47 drejtorë të shkarkuar nga puna, 13 janë me vërejtje. ”- deklaroi drejtoresha Nebiaj. Por sipas Ministrisë, inspektimet kanë nisur prej disa ditësh në shkolla dhe drejtuesit e shkollave kane 3 ditë afat ta apelojnë këtë raport. Por Ministria e Arsimit siguroi se brenda pak ditësh do të dalë edhe në një reagim për gjithë këtë proces.

Rreth 400 punonjës të disa linjave urbane në kryeqytet kanë tre muaj pa marrë rrogat. Për këtë arsye, shoferët e autobusëve kanë zhvilluar dje një protestë, duke ndaluar për 30 minuta në stacione bashkë me udhëtarët që kishin hipur në autobusë. Kjo ka bërë që qindra qytetarë të ndërpresin udhëtimin ose të qëndrojnë në pritje në autobusë deri në nisjen e tyre. Në orën 10:00 të paradites së djeshme, 7 linja të transportit urban që operojnë në Tiranë kanë ndalur nëpër stacione në shenjë proteste. “Kemi tre muaj pa marrë rrogën, ç’a të punojmë?! Edhe ata që na paguajnë s’kanë ku t’i gjejnë lekët, se tani çmimi i naftës ka vajtur 2 mijë lekë. Jemi 400 shoferë dhe faturino pa u paguar, ndaj sot kemi vendosur të protestojmë në këtë mënyrë”, pohoi një prej shoferëve të linjës së Unazës. Kjo situatë është pranuar edhe nga drejtuesit e sindikatave të transporteve, të cilët thonë se shoferët dhe faturinot nuk janë paguar prej tre muajsh për shkak se shoqëritë nuk përballojnë kostot. Ndaj kërkohet ose rritje e biletës së udhëtimit, ose kompensim më i lartë nga shteti. “Ne kërkojmë që të ulet Ministria e Transporteve dhe Ministria e Financave të rakordojnë me shoqëritë e transportit në mënyrë të atillë që të shihet çmimi i biletës ose subvencioni, me qëllim që të dalin pagat e punëtorëve, të cilët nuk po paguhen prej dy-tre muajsh. Kur është vendosur në vitin 2004 çmimi i biletës, çmimi i karburantit ka qenë më i ulët, ndërkohë që sot është rritur ndjeshëm”, deklaroi kryetari i Federatës së Sindikatave të Pavarura të Punonjësve të Transportit, Zija Hasanaj.

Urdhri i Farmacistit publikon datat për pjesëmarrjen

Lista e kandidatëve që marrin pjesë në seminare dhe numri i krediteve që përfitohen

Farmacistët që nuk kanë grumbulluar kreditet në programin e edukimit në vazhdim, kanë një mundësi të dytë për plotësimin e tyre. Urdhri i Farmacistit në bashkëpunim me Kooperacionin Zviceran do të zhvillojë trajnime për ata anëtarët që janë mbrapa me detyrimet e krediteve,  sipas planit te QKEV-së, në qytetet Shkodër, Tiranë, Elbasan, Lushnjë, Korçë dhe Gjirokastër. “Më datë 7.12.2013 dhe datë 8.12.2013, në qytetin e Gjirokastrës do mbahet seanca e parë dhe e dytë e trajnimit, tek shkolla 9-vjeçare “Koto Hoxhi” ora 11:00. Trajnimi do të ketë 12 kredite dhe do të pranohen vetëm anëtarët me pak kredite, sipas listës së të dhënave të UFSH-së. Numri  i pjesëmarrësve është i limituar, maksimumi 49 veta, ndërkohë që trajnimi është falas”-thuhet në njoftimin e Urdhrit të Farmacistit.

Nga Osman Dedja 

Lista e kandidatëve që marrin pjesë në trajnim 

Kodi Emer Pjesemaresit Kredite

Gj06-02054 Thoma Bita      0

Gj06-02002 Dolorand Mara 0

Gj06-01792 Maria Miqeli (Çika) 0

Gj06-01220 Mimoza Nika 0

Gj06-00536 Valentina Prifti (Totoni) 0

Gj06-00521 Kristaq Nasto  0

Gj006-00917 Sezai Angoni 0

Gj06-01776 Brisilda Ismaili 6

Gj06-00062 Eleni Vasili (Papa) 12

Gj06-02055 Thoma Çano 15

Gj06-02040 Griselda Veizaj 15

Gj06-02019 Timo Gjini 15

Gj06-01777 Ervis Iljazi 15

Gj06-01627 Aljona Mene (Çeribashi) 15

Gj06-01345 Hazbie Karalli 15

Gj06-01658 Gëzim Bega 17

Gj06-00533 Fatmira Halimi (Ahmeti) 17

Gj06-00620 Pirro Xhillari 18

Gj06-00400 Ermira Bezhani (Xhango) 18

Gjo6-00522 Gramoz Llapaj 23

Gj06-00535 Nevreze Xhafa (Sulo) 23

Gj06-00530 Hidajet Cane 26

Gj06-00513 Mimoza Paspali (Fiçiro) 26

Gj06-00866 Liljana Meçi (Mero) 27

Gj06-00743 Anila Qendro (Malaj) 29

Gj06-01703 Dorjan Shehu 32

Gj06-01793 Oligerta Kastrioti 35

Gj06-00537 Aleksandra Angjeli 35

Gj06-00532 Tatjana Derraj (Lenaj) 35

Gj06-00531 Vojsava Taipi (Bajrami) 35

Gj06-00222 Alfred Moçi 35

Gj06-01241 Leonora Shameti(Koçi) 38

Gjo6-01147 Erjon Troja 41

Gjo6-00512 Natasha Muça (Shehu) 42

Gj06-01485 Elvisa Bello 44

Gj06-00534 Mimoza Mamuçi 44

Gj06-00514 Anila Çati 47

Gj06-01289 Elona Çano 48

Gj06-00842 Ina Papa (Derraj) 50

Gj06-00621 Eli Bita (Staka) 50

Gj06-00518 Antoneta Semi (Mosko) 50

Gj06-00516 Zhaneta Sino (Çurmaku) 50

Gj06-01275 Ina Spahiu 51

Gj06-02161 Ilirjan Mulla 56

Gj06-00786 Kastriot Xhemali 57

Gj06-00616 Gaqe Çano 57

Gj06-00663 Ludmilla Bektashi (Kote) 59Gj06-00723 Anisa Rafti 60

Gj06-00517 Fatbardha Ganxo (Gjokutaj) 62

Inspektorati i Mjedisit në bashkëpunim me Ministrinë e Mbrojtjes kanë hequr sot nga ish-uzina Dajti, në rrugën “5 maji” në Tiranë, një sasi mbetjesh të rrezikshme.  Rreth 700 kg mbetje lëndë helmuese cianur, të paketuara një muaj më parë,  janë hequr nga ambientet e ish-uzinës për tu transportuar drejt ish- uzinës kimike në Elbasan. Kreu i Inspektoratit të Mjedisit, Ergys Agasi i pranishëm në këtë aksion, u shpreh se “një nga prioritetet e Ministrisë së Mjedisit është eliminimi i hotspoteve me mbetje të tilla të rrezikshme për qytetarët”. Prej të paktën dy vjetësh ka pasur denoncime te medias dhe qytetareve në lidhje me këto mbetje të rrezikshme .  Por javët  e fundit pas disa akt-kontrolleve dhe verifikimeve në terren nga ana e Agjencisë Rajonale të Mjedisit Qarku Tiranë, u konstatua vendndodhja dhe sasia e saktë e cianurit prej 700 kilogramë të mbetura prej kohës kur uzina ishte funksionale. Pas paketimit të tyre u bë, i mundur edhe heqja nga zona e ish- uzinës Dajti, e njohur si një nga hostpotet e kryeqytetit shqiptar.

Punonjës të Uzinës së Demontimit në Poliçan kanë protestuar sot, pasi janë hequr nga puna prej disa ditësh, ndërkohë që askush nga drejtuesit nuk pranon të jap informacion në lidhje me këtë çështje.  Sipas raportimeve në media , mësohet se rreth 60 punonjës demontimi të kësaj uzine që prej pesë ditësh janë hequr nga puna duke u zëvendësuar sipas tyre me punonjës të rinj, ndërkohë që asnjë motivacion nuk ka shoqëruar largimin e tyre. Pasi, kanë pritur më kot të marrin shpjegime në lidhje me shkurtimet nga puna nga drejtuesit e uzinës ditën e sotme një përfaqësi e tyre në shenjë proteste janë mbledhur jashtë ambienteve të saj. Punonjësit pretendojnë se jo vetëm që janë larguar pa të drejtë nga puna, duke u zëvendësuar nga punonjës jo specialistë, por nuk po arrijnë të marrin as dokumentacionet për prishjen e kontratës mes tyre dhe uzinës. Ata shprehen se do të vijojnë çdo formë tjetër proteste dhe do ti drejtohen organeve të drejtësisë për këtë padrejtësi që u është bërë nga drejtuesit e rinjtë të uzinës.

Mimoza Kuqi Demollari zgjidhet në krye të Drejtorisë Arsimore Tiranë. Për këtë pozicion kishte disa kandidatë, prej të cilave u zgjodh pak minuta më parë dhe fituesi. Pas përfundimit të procesit final dhe përzgjedhjes së drejtorëve të Drejtorive Arsimore në 11 qarqe të vendit, dhe zgjedhjes së kreut të DAR për qarkun e Tiranës, në sallën e “Akademisë së Arteve”, është hapur gara finale ku do të prezantohen 48 kandidatë për Drejtorinë Arsimore të qytetit të Tiranës. Në këtë takim merrte pjesë dhe kryeministri Edi Rama, i cili në fjalën e tij u shpreh se vetëm partneriteti mes qeverisë, mësuesve dhe familjes mund të garantojë një reformim rrënjësor jo vetëm të procesit të arsimimit, por edhe procesit të edukimit, që është më shumë se arsimimi. Kreu i qeverisë tha se nuk mund të fitohet asnjë sfidë  me kriminalitetin, problemet sociale, apo cinizmin që rritet shumë shpejt në shpirtin e fëmijës, nëse nuk e mbushim hendekun që ekziston mes mësuesve dhe fëmijëve, dhe prindërve dhe fëmijëve. “Sot jemi në kushtet kur qasjen ndaj arsimit duhet ta shohim më komplekse se kaq, si një qasje që nuk ka të bëjë vetëm më cilësinë e teksteve, të mësimdhënies, apo marrëdhënieve mësues-nxënës, por si nja qasje që ka të bëjë me shoqërinë, për një rivendsoje të marrëdhënieve mes prindërve dhe shkollës. Këto janë pjesë të një zinxhiri i cili duhet të jetë i pandashëm. Sfida jonë është t’i bashkojmë këto pjesë, për të rritur cilësinë në secilën pjesë të lidhura me njëra-tjetrën.”, u shpreh Rama. Politika nuk duhet të jetë jashtë shkollës, theksoi Rama, si qytetari e trupës mësimore, apo e mësuesve dhe si qytetari e komunitetit të prindërve, por duhet të jetë jashtë si sistem që e kap shkollën për veten e vet. “Ndarja e sistemit arsimor nga politika do të jetë një mjet i rëndësishëm për rritjen e cilësisë së mësimdhënies në vend.Ne jemi angazhuar dhe kështu do të ndodhë që nuk do ketë më në oborret e shkollave mitingje, dhe as për t’ju thënë kalamajve sa sa shumë suksese po arrin qeveria.”- tha Rama, duke shtuar se çdokush mund të takohet me përfaqësues të opozitës, mjafton që takimi të mos bëhet në shkollë dhe në orën e mësimit. “Mjeti kryesor për ta bërë këtë është vullneti për ta depolitizuar sistemin. Përfshirja e publikut në këtë proçes, është një aspekt i domosdoshëm. Besoj se në përzgjedhjen e drejtorëve të shkollave dhe mësuesve ne duhet të përdorim një mbrojtës tjetër, prindin. Vetëm përfshirja e prindërve është i vetmi moment ku me siguri mund të kapërcehet dashuria për cilëndo parti, pasi do bëhet përzgjedhja e mësuesve sipas aftësive, sipas merito-kracisë. Në fokus është proçesi i edukimit, diçka më shumë se proçesi i informimit” tha kreu i qeverisë. Duke vënë theksin tek rëndësia e investimeve në arsimin, Rama tha se një sistem i shëndoshë arsimo ndikon edhe në zhvillimin ekonomik të një vendi. “Nxënësi është pasuri e vyer dhe e brishtë. Fati i talentit, varet nga puna me talentin. Në shkollë nuk është vetëm për të mësuar dhe për të marrë nota, por është motori kryesor i rritjes ekonomike. Cilësia e nivelin arsimor përcakton edhe ecurinë e zhvillimit ekonomik. Të investosh në arsim është sfidë e vështirë, pasi është investim për të ardhmen. Një e ardhmë më e largët se mandati i një qeverie. Arsimi shpesh herë bie pre e keqtrajtimit, ku ra pre për vitë të tëra, pikërisht se nuk është materie që investimin në të e kthen në rezultat të prekshëm. Investimi në arsim nuk është vetëm financiar. Investimi në arsim ka të bëjë me vizion për shoqërinë dhe të ardhmen e saj, dhe me strategjinë që buron nga ky vizon, por dhe me vullnetin për ta bërë realitet atë. Sot është vetëm fillimi i një transferimi rrënjësor sa i takon qasjes ndaj burimeve njerëzore në fushën e arsimit, për të zgjedhur profesionistë që i meriton ku vend”, u shpreh kryeministri.

Ministri i Bujqësisë Zhvillimit Rural dhe Administrimit të Ujërave Edmond Panariti priti sot kryetarin e Dhomës së Tregtisë dhe Industrisë Francë- Shqipëri  Julien Roche dhe delegacionin që e shoqëronte. Panariti dhe Roche shprehën vlerësimin e lartë për bashkëpunimin që ekziston mes Francës dhe Shqipërisë në fushën e sektorit të bujqësisë duke u shprehur se ky bashkëpunim duhet të forcohet edhe më shumë. Në këtë kuadër u ra dakord që me ndihmën e Dhomës së Tregtisë dhe Industri Francë-Shqipëri të organizohet në Tiranë, më 25-26 prill 2014 panairi francez i produkteve ushqimore dhe bujqësore.  Ky panair ka si qëllim t’ju ofrojë kompanive franceze mundësinë për të eksploruar tregun e vendeve të rajonit : Shqipërinë, Kosovën, Maqedoninë dhe Malin e Zi. Ky panair jo vetëm do ndihmojë shkëmbimet tregtare me Shqipërinë si dhe eksportet midis Francës dhe rajonit, por do krijojë një mundesi unike të bashkëpunimit për forcimin e marrëdhënieve politike dhe ekonomike. I pranishëm do jetë dhe Ministri Francez i bujqësisë Francez Guillaume Garot. Ministri Panariti u shpreh i entuziazmuar që u zgjodh Tirana për të zhvilluar këtë panair, si qendër për rajonin. Pritet të jenë të ftuar dhe ministrat e bujqësisë të vendeve të rajonit.

Autoriteti Kombëtar i Ushqimit ka mbyllur mbi 100 subjekte dhe ka vendosur 22 masa administrative. Ndërsa përsa i përket masave të fundit të vitit përfaqësuesja e AKU deklaron se specialistët ndodhen përditë në tregje për të kontrolluar dhe garantuar sigurinë ushqimore. “Vetëm në 5 qarqe janë mbyllur deri në rreth 100 subjekteve deri në plotësimin e kushteve të parashikuara në legjislacionin në fuqi. Kemi 22 masa administrative gjobë të vëna. Kemi konfiskim të mishit në rastet kur ai ka qenë i pavulosur me certifikatë. Autoriteti kombëtari ushqimit është i vendosur ti shkojë këtij aksioni deri në fund derisa të garantohet konsumatori shqiptar që të ketë produkte”- deklaron Ana Vuksani nga AKU. Përsa i përket ankesave të sheshta për cilësinë e një ndër produkteve më të përdorur, bukës agjencia kombëtare e ushqimit pas marrjes së urdhrit me 25 nëntor ka kryer 105 inspektime dhe ka paralajmëruar dhe gjobitur 22 subjekte. “Vetëm për një hark kohor kaq të shkurtër janë bërë rreth 105 inspektime ku operatorët e biznesit në 32 raste janë paralajmëruar për zbatimin e ligjislacionit në fuqi. Kemi gjobitje, kemi kryesisht mosplotësim të kushteve higjeno-sanitare, vihet re një përmirësim në ambalazhimin e bukës. Pra pjesa më e madhe e furrave të bukës po përdorin ambalazh të certifikuar.”- shprehet Vuksani. Agjencia Kombëtare e Ushqimit prej një muaji ka nisur kasionin për të siguruar konsumatorin nga produktet e pambrojtura dhe vendosur rregull në tregtimin kaotik të produkteve shqiptare. Mbi 100 subjekte në 5 qarqe të vendit janë mbyllur për mosplotësim të kushteve për tregtimin e mishit ndërsa masat administrative janë vendosur për prodhuesit e brumit. Sipas përfaqësuesve të Autoriteti Kombëtar i Ushqimit me rritjen e kontrolleve janë përmirësuar edhe kushtet e tregtimit të produkteve.

Pas studimit të 7 kandidaturave në konkursin dhe drejtoreshë e DAR për Qarkun e Tiranës është zgjedhur Mimoza Kuqi. Konkursi i Ministrisë së Arsimit për të zgjedhur drejtorin e Drejtorisë Arsimore Rajonale u mbyll dje me Tiranën. I pranishëm në konkurs ishte edhe kryeministri Edi Rama dhe ministrja e Arsimit Lindita Nikolla. Kandidatët për këtë garë bënë prezantimet e tyre ku u përzgjodh Mimoza Kuqi. Pas këtyre prezantimeve kryeministri Edi Rama mbajti një fjalë lidhur me reformimin e sistemit arsimor. Gjatë fjalës së tij Rama deklaroi se depolitizomi i arsimit është një çështje madhore që kërkon zgjidhje.  Mimoza Kuqi, drejtoresha e re e Arsimit për Tiranën është personi që ka marrë pjesë në fushatën elektorale të Partisë Socialiste.  Sipas mediave në një video që qarkullon në internet dhe që kohën e fushatës elektorale, para zgjedhjeve të 23 Qershorit, është transmetuar në televizion shpesh herë është pikërisht Mimoza Kuqi, që bën apel të votohet Rilindja dhe ja përse:  “Unë jam Mimoza, 52 vjeç, mësuese.  Taksat dhe çmimet janë rritur. Rroga nuk na del.  Përse duhet t’i besojmë Sali Berishës? Saliu është lodhur dhe nuk ka më takat! Ai duhet te largohet!  Në 23 qershor unë do të votoj Partinë Socialiste dhe Edi Ramën!”, shprehet Mimoza Kuqi në video.

Reshje bore gjatë gjithë natës dhe rreze dielli në orët e mëngjesit,  karakterizojnë këtë të shtunë rajonin verilindor të vendit, ku reshjet e dëborës, për rreth një orë pas mesnatës kanë zbardhur malet, ndërsa rrezet e diellit në orët e mëngjesit kanë shkrirë dëborën në rrugët e qytetit. Specialistë të Stacionit Rajonal Meteorologjik, në qytetin e Kukësit temperaturat e ajrit shënojnë të njëjtat kuota me ato të një dite më parë, duke filluar nga 2 deri në 5 gradë celsius. Shqetësim në rajonin verilindor mbetet mungesa e energjisë elektrike në komunat e Lekbibajt, Fierzës dhe Bujanit, në rrethin e Tropojës, ku banorët protestuan të premten ndaj ÇEZ-it, për t’i rikthyer energjinë e munguar  prej disa ditësh. Përgjegjësi i Zyrës së Emergjencave Civile në prefekturën e Kukësit, Azem Tema, pohon se në akset rrugore vazhdojnë të jenë të pranishme shtresat e akullit, prania e të cilave vështirëson lëvizjen e  mjeteve, veçanërisht në orët e mbrëmjes, kur temperaturat shënojnë nën zero gradë.

Nënkryetari i Bashkisë Tiranë z.Enno Bozdo ka inauguruar sot kolektorin e ri afër kompleksit “Dinamo”, në njësinë bashkiake nr.5. Ky është një investim tërësisht i Bashkisë Tiranë me një vlerë 15.5 milionë lekë (të reja), i cili sjellë zgjidhjen e problemit për dy mijë banorët e kësaj zone, për sa i përket shkarkimit të ujërave të bardha dhe ujërave të zeza. Nënkryetari Bozdo ka ndjekur nga afër punën që është bërë në këtë kolektor, duke e vlerësuar si një investim të rëndësishëm për komunitetin e kësaj zone. “Jemi këtu për të inauguruar një tjetër vepër, investim publik të Bashkisë së Tiranës në dobi të qytetarëve. Bëhet fjalë për kolektorin e mbledhjes së ujërave të bardha, të zeza, të shkarkimit të ujërave të liqenit, me gjatësi 105 m lineare, sipërfaqe tërthore 4 m2 dimensione 2 dhe 2, një investim tërësisht i Bashkisë Tiranë me vlerë 15.5 milionë lekë (të reja). Ky kolektor është shumë i rëndësishëm sepse zgjidh përfundimisht problemin e shkarkimit të ujërave të Liqenit Artificial të Tiranës, veçanërisht në motin e lagësht. Gjithashtu, zgjidh përfundimisht dhe problemin e shkarkimit të ujërave të bardha, të ujërave të zeza për rreth 2 mijë banorë, qytetarë të kësaj zone. Ne besojmë që me këtë investim i kemi dhënë përgjigje përfundimtare dhe përmbytjeve të herëpashershme të verifikuara në këtë zonë, pikërisht për shkak të akumulimit të ujërave të bardha, ujërave të zeza, gjithashtu edhe shkarkimit të Liqenit Artificial të Tiranës.”- tha Bozdo. Nënkryetari i Bashkisë z. Enno Bozdo tha se, një tjetër iniciativë e ndërmarrë nga Bashkia Tiranë, ka të bëjë edhe me operatorët ekonomik që kanë veprimtaritë e tyre përgjatë Liqenit Artificial të Tiranës, ku ju bëri thirrje që të respektojnë normat mjedisore, si shkarkimin e ujërave të zeza pranë gropave septike, sipas kërkesave stritke të Bashkisë Tiranë. “Ne kemi bërë vazhdimisht verifikime të këtij kushti dhe në çastet kur kemi verifikuar se kjo gjë nuk ndodhë, kemi vendosur penalitete përkatëse. Monitorimi ynë do të jetë edhe më i rreptë, dhe nëse do të verifikohen rastet të mëtejshme të shkeljes së këtij kushti të domosdoshëm, ne do të konsiderojmë edhe heqjen e licencës së veprimtarisë ekonomike për këto subjekte.”-deklaroi Bozdo.

Më 28 nëntor në Senegal në Kongresin e tetë të Shoqatës së Ombudsmanëve dhe Mediatorëve Frankofonë, Avokati i Popullit të Shqipërisë, z. Igli Totozani u zgjodh Anëtar i Këshillit Administrativ. Këshilli Administrativ  është një nga organet kryesore drtejtuese të kësaj organizate, anëtarët e të cilit zgjidhen një herë në dy vjet .Ky këshill merr vendime të rëndësishme për organizatën, në periudhat midis mbledhjeve të Asamblesë së Përgjithshme. Organizata e Ombudsmanëve  dhe Mediatorëve Frankofonë është një nga dy organizatat më të mëdha në botë të ombsmanëve dhe mediatorëve, anëtarësia e të cilës përbëhet nga ombudsmanë dhe mediatorë nga vende të të gjitha kontinenteve, nga Amerika, nga Afrika, nga Europa, etj. Kjo është një arritje shumë e madhe për  institucionin e Avokatit të Popullit ,pasi e rreshton atë si një nga institucionet e rëndësishme për Rajonin dhe Europën dhe me një rol të madh ndërkombëtar. Përzgjedhja si  anëtar i Këshillit Administrativ të kësaj organizate do të përforcojë rolin e institucionit dhe ndikimin e tij në marrëdhëniet ndërkombëtare në fushën e të drejtave të njeriut. Gjithashtu Organizata e Ombudsmanëve dhe Mediatorëve Frankofonë si pjesë e Frankofonisë është një organizatë me një rol të shquar dhe mjaft aktiv në arenën ndërkombëtare në fushën  e të drejtave të njeriut, në mënyrë të veçantë në përmirësimin e vazhdueshëm të standardeve të të drejtave të njeriut në botë dhe në forcimin dhe fuqizimin e institucioneve kombëtare të të drejtave të njeriut. Avokati i Popullit shqiptar shpreh vullnetin për të luajtur një rol aktiv në gjirin e kësaj organizate të rëndësishme për të përfaqësuar denjësisht jo vetëm institucionin e Avokatit të Popullit , por të përfaqësojë denjësisht përpjekjet e vazhdueshme të shtetit dhe shoqërisë shqiptare në zhvillimin dhe konsolidimin e të drejtave të njeriut dhe demokracisë në vend.

Inspektorati Ndërtimor Urbanistik Kombëtar duke nisur nga mesdita e së shtunës, do të jetë përgjegjësi kryesor për objektin që pritet të shembet në qytetin e Vlorës, Kompleksi “Jon”, apo siç njihet ndryshe pallati i vjehrrit të kryetarit të PD, Lulzim Basha. Sipas burimeve nga Vlora, mësohet për mediat se forcat xheniere kanë qenë të pranishme pranë objektit tek zona e Ujit të Ftohtë në Vlorë, që në orët e para të së shtunës për të bërë matjet. Duket se për të përfunduar këtë proces do tu duhet 5 ditë kohë për të hapur mijëra vrima në katet e para, të dyta dhe të treta, dhe  më pas do të vendoset eksplozivi. Dita që është parashikuar për shpërthimin është 15 dhjetori i cila i bie ditë e dielë, por koj varet nga puna e xhenierëve pasi sipas tyre ka kolona të forta dhe beton të ri dhe do të respektohen kushtet teknike për të mos tronditur zonën nga shpërthimi pasi është një zonë e banuar. Që nga nesër INUK do të thyejë të gjitha xhamat e pallatit për arsye sigurie dhe teknike që të mos përhapen në ambient. INUK dhe forcat e xhenios do të mbajnë kontakt të drejtpërdrejt me mediat dhe instancat e tjera për çdo punë që do të kryhet. Që nga ora 12 e mesditës INUK merr në dorëzim objektin dhe nuk do lejohet askush të hyjë më.

Operacionet për prerjen e lidhjeve te paligjshme dhe ndërhyrjet ndaj debitorëve qe nuk shlyejnë detyrimet vijojnë ne te gjithë vendin. Kompania CEZ Shpërndarje në një njoftim për mediat ka bërë me dije se në kryeqytet, ne ditët e fundit,  është përqendruar ne Kamez e Paskuqan. Vetëm ne këto dy zona janë kryer 310 prerje lidhjesh debitore dhe ndërhyrjesh te paligjshme ne rrjetin e shpërndarjes se energjisë elektrike. CEZ Shpërndarje siguron te gjithë abonentët se këto aksione do te vazhdojnë pa ndërprerje deri ne vendosjen e plote te ligjshmërisë dhe zbatimin korrekt te detyrimeve kontraktuale nga te gjithë konsumatoret, ai ata familjare ashtu edhe për bizneset.