Flasin Luljeta Hidi dhe Artur Katuçi, përfaqësues të Kryqit të Kuq Shqiptar

Fenomeni i vdekjeve nga traumat, numër i lartë viktimash si pasojë e veprimeve të gabuara. Misioni primar i Kryqit të Kuq, sensibilizimi i qytetarëve    

 “Çdo ditë kronikat e lajmeve, gazetave, medieve në përgjithësi hapen me lajme, ku në fokus ngelen aksidentet. Qofshin këto, aksidentimi i kalimtarëve në rrugë, apo dhe vetë drejtuesit e automjeteve, ndaj ngelet një ndër shqetësimet më të mëdha. Duke marrë shkas dhe nga iniciativa që është marrë për këtë dekadë, e cila quhet dekada e “Sigurisë Rrugore”, për vetë faktin se numri i personave që humbasin jetën për shkak të aksidenteve po shkon gjithmonë e më shumë në rritje. Ndaj, ne si Kryqi i Kuq Shqiptar përpiqemi të punojmë përsa i përket sensibilizimit ose përhapjes së njohurive rreth ndihmës së parë, qoftë për publikun e gjerë apo dhe drejtuesit që pajisen me lejen e drejtim të automjeteve.”-kështu rrëfen gjatë një intervista për Gazetën “Republika”, Luljeta Hidi, Koordinatore e Programit “Ndihma e Parë”. Sipas shumë raporteve që bëhen për shkaqet e aksidenteve dhe numrit të lartë të personave që humbin jetën, tregohet se një ndër shkaktarët që i çojnë drejt vdekjes këta njerëz janë traumat e shkaktuara gjatë transportimit të tyre nëpër spitale. “Ka disa specifika dhënia e ndihmës së parë. Nëse këtë ndihmë të parë do ta japësh në një vend ku paraqet rrezik; më parë siguro veten dhe pastaj personat e aksidentuar. Por nëse nuk ndihesh i aftë ta japësh këtë ndihmë, mjafton një telefonat në Urgjencë, dhe më pas ti japësh kurajo të aksidentuarave. Jo të gjithë mund ta lëvizin personin e dëmtuar, pasi shpesh ndodh që nga lëvizjet e gabuara mund ti shkaktojmë personit pasoja akoma dhe më të rënda nga ato që ka pësuar gjatë aksidentit.”-shtoj më tej Luljeta Hidi. Detaje interesante jep dhe Artur Katuçi, Shef i Departamentit të Komunikimit pranë Kryqit të Kuq Shqiptar, i cili tregon për rolin e këtij institucioni. “Kryqi i Kuq ka lindur nga lufta dhe aktiviteti i parë që është bërë në luftë. Ndaj ndihma e parë është shumë e lashtë, e cila lidhet me luftën, kalojë tek katastrofat dhe më pas me aksidentet.”-kështu bën me dije Artur Katuçi.

 -Ç’mund të na thoni në lidhje me rastet e aksidenteve në vend, të cilat marrin jetë njerëzish pothuajse çdo ditë? A është në nivelet e duhura ndihma e parë që ofrohet gjatë këtyre aksidenteve?

 Çdo ditë kronikat e lajmeve, gazetave, medieve në përgjithësi hapen me lajme, ku në fokus ngelen aksidentet. Qofshin këto, aksidentimi i kalimtarëve në rrugë, apo dhe vetë drejtuesit e automjeteve, ndaj ngelet një ndër shqetësimet më të mëdha. Duke marrë shkas dhe nga iniciativa që është marrë për këtë dekadë, e cila quhet dekada e “Sigurisë Rrugore”, për vetë faktin se numri i personave që humbasin jetën për shkak të aksidenteve po shkon gjithmonë e më shumë në rritje. Ndaj, ne si Kryqi i Kuq Shqiptar përpiqemi të punojmë përsa i përket sensibilizimit ose përhapjes së njohurive rreth ndihmës së parë, qoftë për publikun e gjerë apo dhe drejtuesit që pajisen me lejen e drejtim të automjeteve. Kjo punë ka nisur që bë vitin 2005, vit në të cilin është licencuar Kryqi i Kuq Shqiptar përsa i përket trajnimit të drejtuesve të mjeteve për marrjen e patentave. Por Kryqi i Kuq, ka pasur në fokus përhapjen e njohurive të ndihmës së parë që në vitin 91, një nga programet, krahas të dhënave të tjera ka qenë dhe ndihma e parë dhe përhapja e njohurive dhe rritjen e numrit të personave të trajnuar dhe të aftë për ta dhënë këtë ndihmë të parë.

 - Duke marrë shkas nga çka përmendët më sipër, Kryqi i Kuq ofron dhe kurse për informimin e kursantëve që presin të marrin lejet e drejtimit të automjeteve. Mendoni se janë të mjaftueshme 8 orë për një shofer për të marrë informacionet e duhura që të jetë i aftë të jap ndihmë gjatë një rasti aksidenti, kjo duke marrë shkas dhe nga rastet e vendeve të tjera perëndimore?

 Ndihma e parë është ai minuta e artë që quhet në Kryqin e Kuq. Kjo ndihmë jepet në vendin ku ka ndodhur ngjarja dhe nga personat që ndodhën në vendngjarje. Lidhur nga ky fakt, programi i vënë në dispozicion prej tetë orësh, është një program i studiuar dhe sjellë si përvojë nga kryqet e Kuqe të vendeve të tjera. Tashmë Kryqi i Kuq Shqiptar, këtë program e aderon dhe me Certifikatën Europiane të Qendrës së Referencave Për Edukimin e Ndihmës së Parë. Ndaj, është e licencuar dhe temat janë mëse të mjaftueshme për të marrë njohuritë e duhura dhe bazë, ku secili person mund të ofrojë ndihmën e parë gjatë një situate rreziku. Pastaj ngelet në dorë të personave, të cilët kanë dëshirë që të zgjerojnë njohuritë e tyre për më shumë, janë të mirëpritur të kalojnë fazat e tjera të kursit. Por duhet thënë se kursanti për këto 8 orë merr njohuritë bazë, sipas temave të caktuar: Masat e sigurisë, si mund të bëhet një masazh kardiak, si mund të ndalohet një gjakdergje, deri tek helmimet dhe kafshimet e përditshme që mund ti ndodhin njerëzve kudo. Ndaj është e mirëstudiuar që ky program është mëse i mjaftueshëm. Më pas varet nga personat sesa të aftë janë ata të gjenden përballë situatave të rrezikshme, ku të japin ndihmën e parë.

 - Një ndër faktorët e humbjes së jetëve gjatë aksidenteve janë traumat, të cilat ndodhin për shkak të dhënies të ndihmës së parë në mënyrë të gabuar. Si mund ta komentoni këtë fenomen, si specialiste e kësaj fushe?

 Në kurset tona, personit që e trajnojmë i shpjegojmë se ndihmën e parë mund ta jap kushdo, mjafton që të jetë i trajnuar sipas temave specifike. Por, ka disa specifika dhënia e ndihmës së parë. Nëse këtë ndihmë të parë do ta japësh në një vend ku paraqet rrezik; më parë siguro veten dhe pastaj personat e aksidentuar. Por nëse nuk ndihesh i aftë ta japësh këtë ndihmë, mjafton një telefonat në Urgjencë, dhe më pas ti japësh kurajo të aksidentuarave. Jo të gjithë mund ta lëvizin personin e dëmtuar, pasi shpesh ndodh që nga lëvizjet e gabuara mund ti shkaktojmë personit pasoja akoma dhe më të rënda nga ato që ka pësuar gjatë aksidentit. Kjo pasi, ka disa mënyra, teknika lëvizje dhe kur paraqet domosdoshmëri kjo lëvizje. Jo gjithmonë mund të lëvizim një të aksidentuar, ndaj këto mësohen dhe trajnimet që ofron Kryqi i Kuq, nga mënyra sesi të lëvizim një të aksidentuar, ku duhet të përqendrohet. Ndaj personat duhet të jenë të aftë ta japin këtë ndihmë të parë.

 - Cilat janë disa nga projektet që ka në fokus Kryqi i Kuq Shqiptar, sa i takon sensibilizimit për ndihmën e parë?

 Siç e përmenda më lartë, qëllimi dhe misioni i Kryqit të Kuq është sensibilizimi dhe përhapja e njohurive të ndihmës së parë. Kryqi i Kuq Shqiptar, shtrihet në 39 degë në vend dhe ka zhvillon aktivitete nga më të ndryshmet. Aktivitetet e ndihmës së parë kanë një ditë kulmore, siç është 14 shtatori, “Dita Botërore e Ndihmës së Parë”, e shpallur dhe nga Federata Ndërkombëtare e Gjysmës së Kuqe, por që nuk ndërpriten gjatë gjithë vitit. Veprimtaritë tona janë të alternuara, sensibilizim, shpërndarje materialesh informuese, por njëkohësisht këtë vit i është dhënë prioritet sigurisë rrugore. Puna jonë ndoshta duket modeste, por ne përpiqemi të bëjmë nëpërmjet grupeve vullnetare në ditë të caktuara, të organizuara nga vetë ata, orientimin e kalimtarëve në kryqëzime, në semafor. Kjo bëhet kryesisht në ato zona ku ka më shumë fluks njerëzisht dhe prioriteti jonë më shumë tek moshat e treta dhe fëmijët. Gjatë gjithë vitit merremi me trajnimin e nxënësve dhe studentëve, të cilët bëhen më pas vullnetar në këtë nismë. Ndërkohë, ne ofrojmë kurse trajnimi për publikun e gjerë dhe institucionet ose për bizneset dhe kompanitë, të cilat me kodin e punës duhet që 1 në 10 punonjës ta kenë të trajnuar për ndihmën e parë.

 - A shprehin interes të rinjtë shqiptar për të qenë pjesë e grupeve vullnetare të Kryqit të Kuq?

 Për të fat të mirë, tashmë kemi një fluks të pjesëmarrjes së vullnetarëve të shkollave të mesme, pasi ata bëjnë dhe një kurrikul në shkollë, e cila lidhet me këtë temë. Ndaj të gjitha këto shkolla, publike dhe jo publike, të cilat i drejtohen Kryqit të Kuq Shqiptar, por jo vetëm për programin e ndihmës së parë, por dhe për shumë të tjera. Pas gjithë këtyre fazave, ata trajnohen dhe bëhen pjesë e vullnetarëve aktiv të Kryqit të Kuq Shqiptar.

Punuan:

 Edlira Mema

 Osman Dedja

Flet Artur Katuçi, shef i Departamentit të Komunikimit në Kryqin e Kuq:

 Aksidentet ndodhin, qytetarët duhet të jenë të përgatitur

“Duke qenë se është një fenomen jo vetëm shqiptar, aksidentet  në rrugë dhe shkaqet kryesore të vdekjeve në Evropë dhe në botë është shumë i madh. Ndonëse në Shqipëri rastet për frymë popullsie janë edhe më të mëdha. Kryqi i Kuq Shqiptar, interesimin për ndihmën e parë nuk e ka të lidhur specifikisht me aksidentet rrugore, apo dhe me fenomenin e këtyre shkaqeve dhe pasojave që rrjedhin nga ajo. Në përgjithësi aksidentet ndodhin, katastrofat po ashtu, kjo është dhe në një farë mënyrë roli i Kryqit të Kuq Shqiptar, i cili është i përgatitur për çdo rast që mund të ndodhë. Kështu, kudo mund të na ndodhin aksidente, në shkollë, në shtëpi, në punë dhe në rrugë ndodhin pa fund, mirë është që njerëzit të kenë njohuri për ndihmën e parë. Pra nga fakti që mund të ndodhin aksidente, ofrimi i ndihmës së parë, është një gjë humanitare që e prek në thelb njeriun dhe e bën vunerabël në një rast rreziku. Interesi i Kryqit të Kuq është që të thotë se duhet të kemi kujdes kur ndodh një aksident, dhe njerëzit të kenë disa reflekse normale dhe minimale që mund ti dinë. Ndaj dhe Kryqi i Kuq shkon nëpër gjimnaze, lobon për pjesëmarrjen dhe trajnimin e shumë nxënësve, të cilët do të jenë vullnetar dhe të kenë njohuri për ndihëm e parë që ofrohet në rast aksidenti, apo situata të tjera të rrezikshme”- shprehet Artur Katuçi.

Edlira Mema 

Osman Dedja 

Finalizohet sot aksioni “Të pastrojmë Shqipërinë në një ditë”. Aksioni nis rreth orës 09:00 të mëngjesit dhe do të zgjasë deri në orët e vona të pasditës. Kësaj nisme do t’i bashkohen sot në Tiranë rreth orës 11:30 edhe Kryeministri Edi Rama dhe Ministri i Mjedisit Lefter Koka.

Rreth 100 mijë aktivistë, vullnetarë, ekologjistë pritet të pastrojnë të gjitha zonat e papastra në vend dhe bëhet fjalë për të gjitha ato zona të cilat nuk paraqesin rrezikshmëri dhe ku pastrimi mund të kryhet në kushte të thjeshta.

Një autobus me 40 vullnetarë, i quajtur ndryshë Green bus, për dy javë me radhë ka shëtitur në zonat turistike dhe janë evidentuar problematikat nga terreni.

Projekti “Ta Pastrojmë Shqipërinë në Një Ditë” është iniciuar nga Shoqëria Civile dhe mbështetet e përkrahet nga Qeveria e Shqipërisë dhe një sërë organizmash ndërkombëtare.

Kjo nismë ka filluar si një iniciativë globale dhe për herë të parë synohet që të zhvillohet edhe në Shqipëri.

Ajo është një lëvizje vullnetare rinore për të përmirësuar jetët e të gjithë qytetarëve, duke mundësuar një mjedis më të pastër dhe me sa më pak mbeturina të dëmshme për shëndetin. Në vendin tonë, ky aksion është caktuar të zhvillohet më datë 22 Nëntor.

Ministria e Kulturës në Shqipëri dhe ajo në Kosovë do të shënojnë një epokë të re bashëkëpunimi kulturor, e përkthyer në aksione konkrete.
Gjatë një takimi të zhvilluar ditës e djeshme, Ministrja e Kulturës në vendin tonë, Mirela Kumbaro dhe Ministri i Kulturës, Rinisë dhe Sportit në Kosovë, Memli Krasniqi, ranë dakort për një strategji të përbashkët kulturore.

Ky bashkëpunim kulturor do të konkretizohet me hartimin e një kalendari të përbashkët kulturor për gjithë vitin, mes institucioneve të kulturës të dy vendeve në fushën e teatrit, operas, baletit, librit, etj.

Gjithashtu pritet të hartohet një platformë për trashëgiminë kulturore, me qëllim bashkëpunimin për ruajtjen dhe promovimin e trashëgimisë kulturore. Një pikë tjetër e bashkëpunimit do të shënohet në harmonizimi i legjislacionit në fushën e artit dhe kulturës, në kuadër të BE-së dhe përvojës së dy vendeve.

Qëllimi i këtij harmonizimi bëhet me synimin e shmangies së barrierave ligjore për një qarkullim të lirshëm të artistëve, artit dhe kulturës së përbashkët.

Marrëveshja për shërbimin e legalizimit të dokumenteve në 9 qytete. Tarifat 350 lekë për qytetarët e Tiranës dhe 500 leke për qytetarët e rretheve. Legalizimi i dokumenteve në Postën Shqiptare , lehtësi dhe kosto e ulët për qytetarët shqiptarë.

Në kuadrin e bashkëpunimit ndërmjet Postës Shqiptare dhe Ambasadës së Italisë në Shqipëri, Drejtor i Përgjithshëm i Postës Shqiptare z. Ardit Çela nënshkroi dje një Marrëveshje Bashkëpunimi me Ambasadorin  Italian z. Massimo Gaiani.

Ambasadori i Italisë

Në ceremoninë e rastit e mbajtur në ambientet e ambasadës së Italisë ambasadori Gaiani tha: – Është kënaqësi që sot jemi këtu për të nënshkruar këtë marrëveshje me Postën Shqiptare për fillimin e një bashkëpunimi që besojmë se do të jetë shumë i frytshëm për Ambasadën për Postën Shqiptare dhe veçanërisht për qytetarët të cilët do të mund të përfitojnë  një shërbim më efikas i cili do të jetë më afër tyre. Ka kohë që ne e kemi punuar  për këtë mundësi dhe më në fund arritëm ta  finalizojmë. Dëshiroj të falënderoj vërtet Postën Shqiptare, si dhe bashkëpunëtorët e mi të Kancelarisë Konsullore të cilët kanë bashkëpunuar gjatë për këtë marrëveshje me shumë profesionalistet, por dhe bashkëpunëtorët nga pala  e Postës Shqiptare”. “Më tej ambasadori italian shtoi se: -“mund të them me bindje që avantazhet do të jenë për qytetarët shqiptarë të cilët do të mund shkojnë në  zyrat postare të qyteteve të tyre në qendër dhe në veri dhe jug të Shqipërisë, ku do të mund t’i kryejnë këto shërbime dhe prej andej. Kjo do të lehtësojë punën për qytetarët dhe ambasadën Italiane. “Do të ketë edhe një bashkëpunim dhe me Ministrinë e Punëve të Jashtme Shqiptare  në lidhje me vulën apostile. Fal kësaj marrëveshje do të përmbushen kërkesat e qytetarëve. Jemi të lumtur që arritëm të finalizonim këtë marrëveshje në një  moment që duhet të mbyllim Konsullatën e Shkodrës, por jemi të lumtur që do të mund të ofrojmë një shërbim alternativ që do të realizohet nëpërmjet prezencës javore në  zyrat e konsullatës. Kështu brenda një dite  të caktuar do të ofrohen të gjitha shërbimet  e konsullatës me kohë të pjesshme. Faleminderit z. drejtor i Përgjithshëm për këtë bashkëpunim. Ne  do të mbetemi në dispozicionin e qytetarëve për çdo informacion tjetër dhe  do të ofrojmë të gjithë ndihmën e mundshme në këtë fazë  fillestare të kësaj forme të re bashkëpunimi.”- përfundoi fjalën e tij ambasadori i Italisë Gaiani.

 Kreu i Postës Shqiptare

Më pas e mori fjalën e mori Drejtor i Përgjithshëm i Postës Shqiptare z.Ardit Cela i cili tha: -“zoti ambasador!Dëshiroj të ju falënderoj për kontributin tuaj personal për nënshkrimin e kësaj marrëveshje. Posta Shqiptare ka nënshkruar sot një marrëveshje me ambasadën Italiane  e cila ka të bëjë pikërisht me përfitimin e disa shërbimeve konsullore që do tu lejojë qytetarëve shqiptarë të evitojnë prezencën e tyre fizike në ambasadën italiane. Marrëveshja ka të bëjë pikërisht me ofrimin e shërbimit ekspres të brendshëm në 9 qytete kryesore të Shqipërisë. Duke nisur nga data 1 dhjetor  qytetarët shqiptarë do të mund të paraqiten vetëm pranë zyrave të Postës Shqiptare dhe posta do të kthejë për llogari të tyre të gjithë shërbimin e delegimit të dokumenteve të tyre pranë ambasadës italiane.  Ndërkohë kemi të bëjmë dhe me shërbimin financiar pa ngarkimin e faturave të shërbimeve konsullore të ambasadës së Italisë dhe të Ministrisë së Punëve të jashtme”. Në vijim të fjalës së tij krue i Postës Shqiptare tha se: “në të njëjtën kohë kemi të bëjmë dhe më shërbimin tjetër postar të dërgimit të të gjithë dokumenteve të legalizuara dhe të përkthyera nga ambasada e Italisë në drejtim të qytetarëve shqiptarë nëpërmjet Postës Shqiptare. Nëpërmjet këtij shërbimi kemi një lehtësim të procedurave, kemi një shërbim me kosto vërtet shumë ekonomike dhe një shërbim vërtet shumë herë  më shumë efikas nga ai çka mund të ketë qenë më përpara”. “Unë dëshiroj të falënderoja në mënyrë të veçantë stafin dhe grupin e punës që ka punuar për arritjen e kësaj marrëveshje. Falenderimi është si për stafin e nderuar të ambasadës Italiane që ka punuar intensivisht që kjo marrëveshje të nënshkruhet dhe të aplikohet në një kohë vërtet shumë të shpejtë por njëkohësisht  dhe stafin e Postës Shqiptare që ka punuar vërtet shumë fort që të kemi një shërbim shumë cilësor për qytetarët shqiptarë. Dëshiroj që të siguroja të gjithë qytetarët shqiptarë që posta shqiptare do të jetë gjithnjë pranë tyre me shërbime shumë ekonomike , shumë  cilësore dhe  gjithnjë me shërbime të reja që do jua lehtësojë atyre veprimtarinë në çdo fushë. Edhe një herë z.ambasador  shumë  faleminderit dhe ashti sikurse e theksuat dhe ju le të jetë kjo një epokë e re e bashkëpunimit ndërmjet Postës Shqiptare, Ambasadës së Italisë dhe qytetarëve shqiptarë , Ju faleminderit”- përfundon fjalën e tij drejtori i përgjithshëm i Postës Shqiptare z.Ardit Cela.

 Marrëveshja

Realizimi i kësaj Marrëveshje për këtë shërbim do të konsistojë në kryerjen e plotë të shërbimit postar ekspres të brendshëm dhe shërbimit financiar, në 9 qytete të Shqipërisë si Tirana, Durrësi, Elbasani, Pogradeci, Korça, Lezha, Shkodra, Kukësi dhe  Peshkopia për llogari të “Ambasadës së Italisë” në lidhje me pranimin e dokumenteve, arkëtimin e pagesave për taksat konsullore të Ministrisë së Punëve të Jashtme dhe Ambasadës së Italisë si dhe shpërndarjen tek klientët të Pasaportave të shtetasve shqiptarë të cilët paraqesin kërkesë për vizë pranë Ambasadës së Italisë,si dhe të zarfeve me  dokumentet  e legalizuara ose të përkthyera pranë Ambasadës së  Italisë. Ky bashkëpunim do të fillojë që nga data 1 Dhjetor 2013.

Për të realizuar këtë shërbimin  çdo ditë, Zyra e Vizave e Ambasadës do të presë  publikun që do të paraqesë  kërkesën për vizë. Për sa më sipër, një punonjës i Postës  do të paraqitet pranë Kancelarisë çdo ditë në orën 15 për të tërhequr zarfat të cilët përmbajnë pasaportat. Nëpërmjet sistemit postar, më pas pasaportat do ti dorëzohen brenda afateve kohore klientit  i cili paguan shërbimin në momentin e marrjes.  Gjithashtu, nëpërmjet kësaj marrëveshje do të realizohet dhe dorëzimi në Ambasadë dhe ridorëzimi tek klientët  i dokumenteve të pajisura me vulën apostile që duhet t’u paraqiten Autoriteteve Italiane gjë e cila kërkohet për legalizimin ose përkthimin e dokumenteve. Më pas zarfat e përgatitura nga 9 zyrat e sipërcituara, do të  dërgohen nëpërmjet shërbimit postar në Ministrinë e Punëve të Jashtme. Pasi të  legalizohen nga Zyra konsullore e MPJ, dokumentet do të dërgohen pranë Ambasadës Italiane. Dorëzimet do të kryhen çdo ditë deri në orën 10.00 nga një punonjës i Postës. Për realizmin e këtyre shërbimeve çdo klient që përdor shërbimin për të dërguar dokumentet e tij pranë Ambasadës së Italisë (për përkthim apo legalizim) duhet të paraqesë detyrimisht një fotokopje të dokumentit të tij të identitetit si dhe të plotësojë një skedë me të dhënat personale. Tarifat  për qytetarët,për kryerjen e këtij  shërbimi do të jenë: 350 lekë për qytetarët e Tiranës, për shërbimin e pranimit të dokumenteve dhe legalizimin e tyre respektivisht në MPJ dhe Ambasadën Italiane dhe dorëzimin e tyre përsëri tek klientët, dhe 500 lekë për qytetarët e rretheve, për shërbimin e pranimit të dokumenteve dhe legalizimin e tyre respektivisht në MPJ dhe Ambasadën  Italiane si dhe dorëzimin e tyre përsëri tek klientët. Posta Shqiptare  do të luajë rolin e autoritetit të përfaqësimit për shtetasit shqiptarë në shërbimin e legalizimeve të dokumenteve në Ambasadën Italiane. Gjithashtu kjo kompani garanton të gjithë shtetasit shqiptarë dhe  Ambasadën Italiane, se shërbimi i ofruar do të jetë korrekt, i shpejtë  dhe i sigurt dhe përveç ofrimit të faciliteteve të mësipërme do të ketë dhe kosto më te ulëta për klientët.

MAS publikon emrat e personave që kaluan fazën e fundit të konkursit

Përzgjedhjet në DRA, shpallen listat me rezultatet më të mira për të gjithë qarqet e vendit. Si do të bëhet zgjedhja e drejtuesve të rinj

Ministria e Arsimit dhe Sporteve ka publikuar ditën e djeshme listën e të gjithë kandidatëve, për çdo qark, të cilët kanë arritur të marrin rezultatet më të larta dhe të kalojnë në fazën e fundit të konkurrimit për postet e Drejtuesve të Drejtorive Arsimore. Lidhur me këtë fakt, Gazeta “Republika”, boton listën e plotë me të gjithë emrat e fituesve, që kanë kaluar këtë fazë. Në një njoftim drejtuar medieve, Ministria e Arsimit dhe Sporteve, bën me dije se: “Pas vlerësimit që komiteti ad hoc i bëri kandidaturave, bazuar në rezultatin më të mirë për pozicionin e Drejtor/e në Drejtoritë Arsimore Rajonale, komiteti i propozoi Ministres së Arsimit dhe Sportit znj. Lindita Nikolla, që ne fazën finale, të kalojnë kandidaturat  në listën bashkëngjitur.”. Këto emra do të propozohen si kandidatë për pozicionin: Drejtor, ne Drejtoritë Raionale Tirane, Tirane Qark, Shkodër, Kukës, Lezhe, Durrës, Fier, Vlore, Gjirokastër, Korçë, Berat, Elbasan dhe Dibër. Në përputhje me Ligjin Nr 8549, date 11.1 1.1999 “Statusi i Nënpunësit Civil”, Vendimin Nr. 231 dt. 11. 05.2000, “Për Pranimin ne Shërbimin Civil dhe Periudhën e Provës” te Këshillit te Ministrave, ne datën 11,12 dhe 13.11.2013 u zhvillua testimi me shkrim dhe me gojë i kandidateve për pozicionin e lire. “Është detyre e çdo institucioni (eprorit direkt dhe drejtorisë se personelit) qe përpara çdo përzgjedhjeje ti vihet ne dispozicion kandidatit Ligji Nr.9131,date 08.09.2003,”Për rregullat e etikes ne administratën publike” dhe ti shpjegoje detyrimet qe rrjedhin prej tij (si pjese e termave te punësimit te çdo punonjësi te administratës publike), si dhe te siguroje shmangien e konfliktit te interesave, përpara kryerjes se përzgjedhjes. Për këtë qellim duhet te nënshkruhet proces verbali përkatës nga eprori direkt, kandidati i përzgjedhur dhe njësia e burimeve njerëzore dhe një kopje e tij te depozitohet ne dosjen e personelit te nëpunësit, bashkëlidhur vendimit te eprorit direkt për përzgjedhjen e kandidatit.”-thuhet në njoftimin e MAS-së.

 Në përfundim të testimit rezulton se:

 Kandidatet me rezultatin më të mirë për pozicionin: Drejtor, në Drejtorinë Rajonale arsimore janë:

 Tiranë

Aida Serjani

Arjola Byzyka

Elmaz Lala

Ermioni Cekani

Majlinda Ziu

Mimoza Kuqi

Rozina Kollcaku

 TIRANA QARK

Aida Nova

Eglantina Metani

Fran Cara

Uzri Alku

Xhevahir Hoxha

 Durrës

Adrian Gurra

Arben Tanko

Bashkim Shyle

Lindita Muka

Orges Mema

 ELBASAN

Elisabeta Myftari

Ermir Cela

Jonida Cungu

Roland Baxhaku

Zyhra Bedalli

 FIER

Brunilda Dhamo

Isa Gjikondaj

Ylli Myftiu

Shkelqim Hallkaj

Yllka Beci

Vlorë

Adriana Sinanaj

Albana Hodaj

Fatmir Abazaj

Mimoza Mehilli

Pellumb Binaj

Roland Dervishaj

Viktor Lami

 Shkodër

Aferdita Haka

Agron Metushi

Erjeta Lacej

Lucjana Dodani

Vlash Linadi

 BERAT

Agim Qamirani

Marela Guga

Selam Hodaj

Shaqir Abedini

 Lezhë

Yllka Rama

Arta Malshi

Bardhok Pulaj

Gezim Laci

lndrita Abdyl

Leonora Ndreca

 Kukës

Ali Xhahu

Besim Shehu

Jonuz Kola

Kujtim Ademaj

Zeqir Hasa

 Dibër

Drini Gjeci

Kujtim Kerkuti

Llesh Doci

Mentor Hoxha

Valentina Haliti

 Gjirokastër

Bujar Dudumi

Lindita Rova

Marjeta Spiri

Odise Kote

Vasil Bilero

 Korçë

Ana Verushi

Bujar Braho

Kristaq Grabocka

Sotiraq Marko

Xhemil Bajraktari

Nga:  Edlira MEMA

Sfidat dhe e ardhmja e gazetarisë investigative në Shqipëri u diskutuan dje në një tryezë të organizuar nga Prezenca e OSBE-së, ku morën pjesë mbi tridhjetë gazetarë që punojnë në këtë fushë.

Tryeza shërbeu si një mundësi për të shkëmbyer përvoja, mendime dhe ide dhe për të diskutuar se si mund të promovohet dhe çohet përpara gazetaria investigative në Shqipëri. Për të forcuar më tej praktikat e gazetarisë investigative, kjo tryezë e rrumbullakët do të pasohet nga një trajnim më i thelluar dy-ditor në dhjetor.

Kryetari i Prezencës së OSBE-së, Ambasadori Florian Raunig, përmendi ndër vështirësitë që has gazetaria investigative mungesën e informacionit, të fondeve dhe ngurrimin e disa botuesve për të publikuar artikuj dhe kronika investigative nga frika e presionit të mundshëm politik ose financiar.

“Gazetaria investigative po has vështirësi në gjithë botën. Prapëseprapë, natyra e problemit ndryshon shumë nga një vend në tjetrin. Kur vjen fjala te kryerja e investigimeve të suksesshme, Shqipëria ka problemet e veta specifike. Shumë shpesh, informacione që me ligj duhet të jenë të disponueshme, janë thjesht të paaksesueshme. Kjo, sigurisht, që e dekurajon gazetarinë investigative. Një tjetër pengesë e vështirë për një gazetari të suksesshme investigative në Shqipëri është ngurrimi i drejtuesve të redaktorëve për të publikuar apo për të transmetuar artikuj apo kronika investigative. Kjo ndodh pjesërisht për shkak të frikës se artikujt apo kronikat e investiguara me hollësi, sidomos ato që lidhen me krimin apo korrupsionin, mund të çojnë në pasoja negative – presion politik ose financiar. Një tjetër problem janë kushtet e punës dhe mungesa e stimujve për gazetarët investigativë. Një diskutim në formën e një tryeze të rrumbullakët që Prezenca zhvilloi në prill të këtij viti doli në përfundimin se ekziston një nevojë reale dhe e prekshme për të stimuluar gazetarët shqiptarë që ata të angazhohen në raportime investigative.Gazetaria investigative është më shumë një qëndrim sesa zhanër gazetarie. Ajo ka të bëjë me shkuarjen përtej informacioneve që mund të merren lehtë, duke sjellë bashkë të gjitha anët e një historie me qëllim krijimin e historisë që i ofron publikut një informacion të paanshëm dhe të pavarur.Dëshiroj të inkurajoj të gjithë gazetarët, sidomos të rinjtë, që të vazhdojnë përpjekjet në këtë fushë. Pavarësisht se sa e vështirë është, gazetaria mbetet thelbësore për një shoqëri demokratike funksionale. Nëse media është “rojtarja” e demokracisë, gazetaria investigative është syri dhe veshi i kësaj rojtareje. Shqipëria është në rrugën drejt integrimit evropian. Edhe media do të ndikohet shumë nga ky proces. Media shqiptare duhet të përpiqet t’u paraprijë këtyre zhvillimeve, duke u bërë më transparente, më e përgjegjshme dhe më e pavarur nga ndikimet politike dhe financiare,” tha ai.

Në veprimtari u shpërndanë edhe çmime për një konkurs për kronikat dhe artikujt investigativë, të zhvilluar nga Prezenca e OSBE-së gjatë këtij viti.

Banka Botërore ka vendosur të investojë një shumë prej 62.5 milionë eurosh në formë huaje që ia jep qeverisë shqiptare për një ndërhyrje të plotë në furnizimin me ujë të pijshëm dhe rrjetin e kanalizimeve të Durrësit.

Për këtë qëllim, qeveria shqiptare në mbledhjen e së premtes miratoi në parim, marrëveshjen e huasë, ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim (BERZH), për financimin e projektit të investimit në sektorin e ujit.

Projekti i Investimit në Sektorin e Ujit, që sipas kësaj marrëveshjeje do të financohet tërësisht nga BERZH nëpërmjet një huaje në vlerën 62. 500.000 euro, ka si objektiv përmirësimin e cilësisë së shërbimit në fushën e ujësjellësit dhe kanalizimeve të Ndërmarrjes së Ujësjellës-Kanalizime Durrës (NUKD).

Në Durrës, prej shumë vitesh banorët vuajnë mungesën e ujit të pijshëm dhe ky problem nuk ka marrë zgjidhje të pranueshme asnjëherë gjatë 23 viteve të fundit. Mungesa e ujit ka qenë problematike edhe gjatë periudhës së diktaturës komuniste.

Por fenomeni i furnizimit një herë në 2-3 ditë për një orë me ujë në rubinete, ka qenë edhe në dekadat e fundit, problem i përhershëm i banorëve të Durrësit dhe plazhit, sidomos gjatë periudhës së verës.

Javën që vjen, pritet që vendin tonë ta përfshinë ulje të ndjeshme temperaturash. Kështu, sipas metereogëve do të nisin reshjet e dëborës ndërkohë që termometri do të shënojë vlerën deri në -7 gradë celcius në  zona të veçanta, ndërkohë që temperatura maksimale nuk do të jetë më shumë se 13 gradë celsius. Sipas metereologëve deri në fund të muajit do të vijojë i njëjti qarkullim i masave ajrore nga poli i veriut drejt mesdheut. Parashikohet që orët vijuese të jenë me shira të konsiderueshëm në të gjithë vendin. Madje ato kanë sjellë edhe probleme të shumta në qarkullimin detar. Në qytetet bregdetare si në Vlorë, Sarandë e Durrës është pezulluar lundrimi i mjeteve detare për shkak të dallgëve të mëdha të cilat kanë arritur deri në 5 ballë dhe shpejtësia e erës e cila ka qenë e fortë deri në 45 km në orë. Megjithatë të dielën thonë meterologët do të kemi një reduktim të sasisë së reshjeve. Në zonat malore do të ketë reshje dëbore kryesisht ditën e hënë dhe të martë. Më të theksuara reshjet e dëborës do të jenë në verilindje dhe juglindje të territorit ku trashësia e dëborës në 24 orë do të shkojë deri në 60 cm. Por duke filluar që nga mesdita e së mërkurës dhe deri në fund të muajit do të kemi largim të reshjeve nga territori ku kthjellimet do të jenë dominuese çka do të sjelle edhe një favorizim për ata që do të zgjedhin të festojnë festat e nëntorit.

Shirat e rrëmbyeshëm që kanë përfshirë një pjesë të madhe të vendit kanë shkaktuar probleme në akset rrugore në jug të vendit. Një sasi e konsiderueshme dheu ka rrëshqitur nga muri mbrojtës i rrugës, duke bllokuar krahun e majtë të aksit kombëtar Gjirokastër-Tepelenë. Shkarja e dheut nga muri mbrojtës në këtë aks rrugor, pranë vendit të quajtur “Shkalla e zezë”, ka ardhur si pasojë e shirave të rëna gjatë 48 orëve të fundit. Të gjitha automjetet e vogla mund të qarkullojnë pa vështirësi, ndërsa drejtuesit e automjeteve të tonazhit të rëndë duhet të tregojnë mjaft kujdes ose të kufizojnë lëvizjen në këtë aks rruge. Ndërkohë, për të parandaluar ndonjë aksident të mundshëm rrugor, efektiva të drejtorisë së policisë së qarkut të Gjirokastrës janë përqendruar në të gjithë aksin rrugor kombëtar Kakavije-Fier dhe Jorgucat-Sarandë, me gjatësi rreth 160 km.

MAS publikon kriteret për njohjen e diplomave të huaja

Lista me 222 emrat për të cilët është kryer përshtatja e certifikatave. Dosja e plotë me dokumentet që duhen dorëzuar dhe dëshmitë që merren në shqyrtim

 Numri i studentëve shqiptar, të cilët kanë dorëzuar dokumentet në MAS për konvertimin e diplomës është rritur kohët e fundit. Përfaqësues pranë këtij dikasteri  pohojnë se për periudha të caktuara ka pasur dyndje për konvertimin e diplomave të huaja dhe kryesisht, janë studentë të kthyer nga shtetet fqinje, si Italia apo Greqia. Ndër të tjera, specialistët thonë se për t’u ardhur në ndihmë të rinjve të sapo kthyer, që duan të punësohen në vend apo të vazhdojnë studimet, procedurat për njohjen e diplomave kryhen në një kohë më të shkurtër se 45-ditshi, ndërsa për rastet që dyshohen se kanë dokumente të falsifikuara, procedurat zgjasin.

 Certifikatat që merren në shqyrtim

Burime pranë MAS-it konfirmojnë se fusha e veprimtarisë së njohjes së kualifikimeve të fituara kryhet nga Drejtoria e Politikave të Arsimit të Lartë dhe ka për qëllim:

a) Të administrojë dhe të kryejë procedurat për të gjitha aplikimet për njohje të diplomave të përfunduara të ciklit të parë, të ciklit të dytë, të diplomave Master i Nivelit të Dytë, si dhe certifikatave të specializimit të fituara jashtë shtetit;

b) Të kryejë procedurën verifikuese për vërtetësinë e certifikatave apo diplomave të tjera universitare, të fituara jashtë shtetit kur kërkohet nga institucione të tjera;

c) Të kryejë procedurën verifikuese për vërtetësinë e certifikatave apo diplomave universitare të fituara në Republikën e Shqipërisë, kur kërkohet nga institucione të tjera jashtë shtetit. Ndërkohë, MAS-i nuk do të shqyrtojë diploma dhe kualifikime të fituara nga institucione të akredituara në Republikën e Shqipërisë, kurse studimi të paplotësuara. Këto shqyrtohen nga Institucioni i Arsimit të Lartë, ku aplikanti kërkon të vijojë/përfundojë studimet në përputhje me statutin/rregulloren e tij; certifikata për kurse të vetme si gjuhë e huaj, kompjuter, diploma ose certifikata lëshuar nga institucione të huaja që nuk kanë legjitimitetin e duhur; dokumentet që nuk janë origjinale apo të njëvlershme me to, diploma ose certifikata të fituara në shkolla të larta ushtarake, përjashtuar diplomat për drejtime civile të studimeve, si dhe diploma dhe certifikata të fituara në shkolla të larta fetare, përjashtuar diplomat për drejtimet civile të studimeve.

Procedura e aplikimit

Sipas udhëzimit më të ri të Ministrisë së Arsimit dhe Sportit, dosja e aplikimit duhet të përmbajë dokumentet e mëposhtme:

a) Formatin e aplikimit të plotësuar;

b) Diplomën ose certifikatën/vërtetimin e diplomimit;

c) Listën e notave ose suplementin e diplomës;

d) Dokument zyrtar identiteti: fotokopje e pasaportës dhe kartës së identitetit për shtetasit shqiptarë dhe të huaj;

e) Mandat-pagesën.

Dokumentet pranohen origjinalë ose fotokopje të noterizuara. Ndërsa për shtetasit e huaj, dokumentet duhet të jenë me përkthim të vërtetuar. Sipas udhëzimit të MASH-it, të paktën një nga dokumentet bazë që konfirmon diplomimin apo mbarimin e suksesshëm të kursit të studimit që do njihet, duhet të jetë i legalizuar me Vulën Apostille ose nga Ambasada Shqiptare, ose nga Ministria e Punëve të Jashtme e Shqipërisë. Në rast pamundësie të marrjes së legalizimit, aplikimi do të pranohet edhe pa dokument të legalizuar. Aplikimi duhet të dërgohet me postë në Zyrën e Marrëdhënieve me Publikun të MAS-it. Brenda 3 (tre) ditësh, Sektori i Njohjes së Diplomave (SENJOD) informon aplikantin për mbërritjen dhe plotësinë e dosjes. Sipas udhëzimit, aplikimi nuk quhet i plotë, nëse mungon një nga dokumentet e cituara më sipër. Informimi mund të bëhet me e-mail ose postë të zakonshme. Nëse komunikimi bëhet me e-mail, duhet të konfirmohet marrja e tij nga aplikanti.

 Verifikimi i vërtetësisë së dokumenteve

 SENJOD (Sektori i Njohjes së Diplomave) kryen verifikimin për të gjitha rastet, përfshi edhe njohjen e drejtpërdrejtë, të autenticitetit të diplomës apo certifikatës së huaj si të statusit dhe legjitimitetin e institucionit që e ka lëshuar. Për vërtetësinë e diplomimit ose plotësimit të programit të studimit të pretenduar, SENJOD bazohet në dokumentin zyrtar që e konfirmon këtë. Në të gjitha rastet kur dokumenti bazë nuk është i legalizuar nuk bazohet në dokumentin e paraqitur, por kryen verifikimin e tij me postë, faks ose e-mail me Institucionin e Arsimit të Lartë ku është kryer kursi i studimeve. Materialet shkresore ose të printuara për të gjitha verifikimet e kryera, depozitohen në dosjen e aplikantit. Komisioni i Njohjes, pasi vë në dijeni ministrin, me miratimin e tij pezullon procedurën e njohjes për raste ose grup-raste të veçanta, kur ka informacione dhe konstatime që hedhin dyshime mbi vërtetësinë e dokumenteve shkollore ose kryerjen e programit të studimit të pretenduar dhe përcakton afatet dhe masat për mbylljen e procedurës. Gazeta “Republika” boton të plotë sot listën e personave që iu është konvertuar diploma këto muaj.

 Lista emërore e kandidatëve që iu është konvertuar diploma

 Olti Belliu

Oltjan Kallari

Oltjon Dulaj

Oltjon Muzaka

Oltsen Gripshi

Orest Çipa

Orest Kokoneshi

Orgeta Lami

Orion Sejdo

Orjana Lena

Orjola Marku

Orjona Pulti

Ornela Galanxhi

Ornela Hysenbelliu

Ornela Jacaj

Ornela Sollaku

Pamela Dhora

Panajot Papa

Panajotis Dassulas

Paola Qyrana

Parashqevi Paraschou

Patris Poshnjari

Perparim Cela

Perparim Sulaj

Petar Terpo

Petraq Lika

Piergiuseppe Belleza

Piro Kosta

Pjerin Shoshi

Prodhromos Papaioanu

Qani Toro

Qendresa Bedra

Qerim Arapi

Ragip Shala

Rahim Cena

Rahman Aliu

Ramazan Mustafa

Ramiz Kadriu

Razlind Shytaj

Rea Tako

Reda Josifi

Redi Saliasi

Redih Lleshi

Reina Zenelaj

Remzi Bytyçi

Renald Meco

Renata Balliu

Renata Rickels

Resmi Hoxha

Rexhep Gajta

Rezart Ferzaj

Rezarta Pirraçi

Rigels Dervishi

Rigers Zyferi

Rigerta Loku

Roksana  Helena Noëak

Romela Topi

Romina Fetahu

Romina Hazizolli

Romina Saco

Rudens Gega

Rudin Lleshaj

Rudina Kapa

Rudina Lleshi

Rudor Novi

Ruzhdi Hima

Sabdere Gashi

Sabina Hitaj

Sabri Topsakal

Sabri Zylfijaj

Saimir Baci

Saimir Fejzollari

Saimir Kadriu

Saimir Kaziu

Saimir Sahati

Saimir Topollari

Saimira Gjapi

Samedin Mehmeti

Sami Ikiz

Samidie Brija

Sandro Galluçi

Sanie Spahiu

Sejdi Sejdiu

Sejdi Vyshka

Selim Bezeraj

Selim Selimi

Selma Marko

Selma Taspinar

Semir Sali

dal Arslan

Sergej Petre

Seyma Altun

Shejdi Shehu

Shkelqim Faja

elqim Llagaci

Shkëlqim Muça

Shkelqime Fida

Shpetim Çeka

Shpetim Hasa

Shqiponja Ahmetaj

Sibela Rizvani

Sidita Gjipali

Siditan Zagani

Silva Belegu

Silva Cobo

Silvana Koro

Silvana Muca

Silvin Lito

Sokol Ngjela

Sokol Saraci

Sokol Shtjefni

Sokraten Kallogjeri

Solon Shuku

Sonila Anastasi

Sonila Kapollari

Sonila Koci

Sonila Ndini

Sonila Reka

Sotiraq Kondi

Sotirios Gavriil

Spartak Kaso

Spiridhon Filis

Stefano Turchetto

Stela Jakova

Stela Xhafa

Stergios Oikonomidis

Stiljan Daja

Suada Peqini

Suela Çiço

Suela Dedja

Suela Kumbulla

Suela Rusha

Sukran Hazir

Sultan Ayfer

Suzana Isaku

Suzana Kallaverja

Tarik Korkmaz

Tatiana Slavinskaya

Tauland Bica

Taulant Aruci

Taulant Kullolli

Taulant Pepa

Taulant Torba

Teneda Toçi

Teuta Hoxha

Teuta Rexho

Teuta Tasellari

Themistokli Foto

Theodhosi Jushi

Thoma Kotja

Tolga Kazan

Tonin Shehi

Toska Shala

Trandafile Duka

Tritan Pllaha

Tugce Isidan

Turan San

Umit Gulseven

Uran Kalej

Urkiye Siskooglu

Valbon Bytyqi

Valbona Hysa

Valbona Kondi

Valbona Malaj

Valbona Pleshti

Valbona Selmani

Valbona Taga

Valdet Gashi

Valdete Osmani

Valdete Rexhebeqaj

Valentina Vezi

Valmir Hoxha

Valmira Bozgo

Valmira Larashi

Vasilika Gribura

Vasilis Dimas

Vasiona Koco

Vasjan Pace

Vera Gura

Viktor Caka

Violeta Kosta

Violeta Qerimi

Violeta Qerimi

Violeta Ukaj

Viollca Kamberi

Visar Sylaj

Vitiona Dervishaj

Vjola Duri

Vjola Shehu

Vjollca Shabani

Vladimir Mitre

Xheladin Sala

Xhemal Skaci

Xhemalj Gashi

Xheni Ferra

Xheni Karamitro

Xhevdet Avdija

Xhoana Icka

Xhoana Kovaci

Yakup Sahin

 Yin Wenjie

Ylber Mlloja

Ylber Tafa

Ylli Halili

Ylli Kaceli

Ylli Shahaj

Yllka Kadi

Yllka Qoku

Ylvi Selmani

Yunus Emre Yildiz

Zaim Malaj

Zakariya Albaroudi

Zamir Kabo

Zamir Tirana

Zamira Puka

Zana Lushka

Zenel Bajrami

Zenun Nikci

Zhanklina Xheraj

Zijadin Murseli

Zoica Jorgo

Zyrafete Zejnullahu

Nga OSMAN DEDJA 

 Procedura për përfitimin e të drejtës për pension familjarë

Kur lind e drejta e trajtimit me pension nga shteti. Dokumentacioni i nevojshëm dhe kërkesat që duhen dorëzuar pranë ALSSH-së. Masa e përfitimit sipas kategorive  

Të gjithë ata që duan të përfitojnë, pension familjar, duhet të plotësojnë disa kritere. Kështu, në bazë të disa kritereve përfitohet në disa raste, siç është kur gruaja kryefamiljare ngelet e ve, apo dhe anasjelltas, madje këtë të drejtë e përfitojnë dhe fëmijët, deri në moshën 18-vjeç. Kështu, duke u mbështetur në disa ligje, siç është ai me nr. 7703, datë 11.05.1993 “Për Sigurimet Shoqërore në Republikën e Shqipërisë”, i ndryshuar, në udhëzimin me nr. 2, i ISSH-së, datë 05.10.2005 “Për llogaritjen dhe indeksimin e bazës së vlerësuar e pagës neto për efekt pensioni“ dhe në rregulloren nr. 1, e ISSH-së, datë 19.10.2009 “Mbi administrimin dhe llogaritjen e pensioneve”, përfitohet pensioni familjarë.

 Kushtet e përfitimit të pensionit familjarë:

a) E veja, kur është:

- Mbajtëse e një fëmije që ishte në ngarkim të të vdekurit, deri në moshën 8 vjeç;

- E paaftë për punë;

- Ka mbushur moshën 50 vjeç.

b) Burri i ve, kur është:

- Mbajtës i një fëmije që ishte në ngarkim të të vdekurit, deri në moshën 8 vjeç;

- i paaftë për punë;

- Ka mbushur moshën 60 vjeç.

c) Jetimi që ishte në ngarkim të personit që vdiq dhe është nën 18 vjeç, ose deri në 25 vjeç, nëse studion ose është i paaftë për punë;

d) Prindërit, kur kanë arritur moshën 65 vjeç ose janë të paaftë për punë, prindërit e prindërve, njerku e njerka, kur nuk kanë persona që detyrohen t’i mbajnë, nëse provohet se ata jetonin në të njëjtën familje me atë që vdiq, jo më pak se një vit para momentit të vdekjes dhe kanë arritur moshën 65 vjeç, ose janë të paaftë për punë;

e) Nipërit e mbesat, kur janë në ngarkim të atij që vdiq dhe bënin pjesë në të njëjtën familje me të. Në këtë rast ata trajtohen si jetimë;

f) i/e veja humbasin të drejtën për pension familjar kur martohen.

Dokumentacioni i nevojshëm

Kërkesa për përfitimin e pensionit familjar bashkë me dokumentat e nevojshme paraqitet në ALSSH-në e vendbanimit, sipas gjendjes civile. Dokumentat që shoqërojnë kërkesën për pension familjar janë si më poshtë:

a) Dokumentat që vërtetojnë moshën dhe identitetin:

- Çertifikatë e gjendjes familjare;

- Çertifikatë vdekjeje e të ndjerit/ës (ku të jetë shënuar dhe shkaku i vdekjes);

- Fotokopje e letrës së njoftimit elektronik për kërkuesin, ose përfituesit e tjerë.

b) Dokumentat që vërtetojnë periudhat e sigurimit dhe llojin e punës janë:

- Libreza e punës;

- Vërtetim për vjetërsinë në punë dhe llojin e saj;

- Vërtetim për periudhën e sigurimit, e lëshuar nga zyra e arkivit pranë Drejtorisë Rajonale të Sigurimeve Shoqërore për punëdhënësit, të punësuarit, të vetëpunësuarit, të  vetëpunësuarit në bujqësi dhe të siguruarit në mënyrë vullnetare, si dhe të siguruarit sipas VKM;

- Vendim gjykate për njohje të vjetërsisë në punë (në se shikohet e arsyeshme);

- Vërtetim i vjetërsisë në punë për ish-anëtarët e  kooperativave bujqësore, para vitit 1992;

- Vërtetim i Degës Ushtarake për periudhën e kryerjes së shërbimit të detyrueshëm ushtarak (për kërkuesit meshkuj);

- Vërtetim-tip i vjetërsisë në punë për ushtarakët;

- Fotokopje e noterizuar e diplomës së shkollës së lartë për kërkueset femra (kur kanë mbaruar studimet e larta, me shkëputje nga puna).

c) Për personat që përfitojnë nga Ligji nr. 7514, datë 30.09.1991 “Për pafajësinë, amnistinë dhe reabilitimin e ish-të Dënuarve  dhe të Përndjekurve Politikë” duhen edhe:

- Vërtetim i gjendjes gjyqësore;

- Vërtetim për kohën e vuajtjes së dënimit, lëshuar nga Ministria e Rendit Publik;

- Vërtetim për faktin e dënimit për motive politike dhe kohën e vuajtjes së tij, të lëshuar nga  Komisioni i Ministrisë së Rendit Publik dhe Ministrisë  së Drejtësisë;

- Çdo dokument tjetër justifikues, që vërteton qenien në punë.

d) Dokumentet që vërtetojnë  të qenit në ngarkim të të ndierit/ndjerës:

Krahas dokumenteve të përcaktuara më lart, duhet të dorëzohen dhe dokumentet e mëposhtëme:

- Vërtetim i vazhdimit të shkollës për jetimët që kanë mbushur moshën ligjore për t’u punësuar ose vetëpunësuar;

- Vendim i KMCAP-it për paaftësinë në punë të personave të familjes në ngarkim të të siguruarit të vdekur, kur ata janë në moshë pune;

- Vërtetim i organeve të pushtetit lokal që në ngarkim të të vdekurit ishte një i/e ve, që mban  një fëmijë deri në moshën 8 vjeç, i cili ishte në ngarkim të të vdekurit;

- Vërtetim për personin e ve, që është kërkues për punë;

- Proces-verbal, që provon faktin e vdekjes nga aksidenti në punë,si dhe vendimi i KMCAP, kur vdekja është shkaktuar nga sëmundje profesionale;

- Vërtetim i organeve të pushtetit lokal që prindërit, prindërit e prindërve nuk kanë persona që detyrohen t’i mbajnë dhe jetonin në të njëjtën familje me atë që ka vdekur, jo më pak se një vit para vdekjes;- Vërtetim nga organet e prokurorisë ose gjykatës për rastet kur kërkohet të përfitohet nga Dekreti nr. 758, datë 01.04.1994 “Për një mbrojtje të veçantë të ushtarakut”;- Vërtetim nga ministria përkatëse për humbjen e jetës së pilotit në përmbushje të detyrës gjatë fluturimit. Për të marrë këtë përfitim, personi duhet të bëjë kërkesë me shkrim  pranë ALSSH-së, ku të deklarojë se nuk është ekonomikisht aktiv (i punësuar ose i vetëpunësuar);

- Jetimi që ka moshën ligjore për t’u punësuar ose vetëpunësuar, kur nuk vazhdon shkollën dhe është nën 18 vjeç (kur banon në qytet) dhe nën 16 vjeç (kur banon në fshat), në kërkesën për pension deklaron se nuk është i punësuar ose i vetëpunësuar si dhe paraqet vërtetim nga Zyra e Punës.

e) Dokumentet që vërtetojnë  të ardhurat e realizuara:

- Vërtetim page, sipas së cilës është derdhur kontribut për periudhat e sigurimit që nga 01.01.1994 deri në momentin e shkëputjes nga puna, sipas formularit tip (nëse ka punuar dhe ka derdhur kontribute për periudhat pas datës 01.01.1994);

- Vërtetim i pagës mesatare neto, për vitin e fundit të punës.

Masa e përfitimit sipas kategorive:

Pensioni familjar është pjesë e pensionit që kishte ose i takonte të ndjerit/ës.

a) Personi i/e ve, merr 50% të pensionit që gëzonte ose do të gëzonte i/e ndieri/a, kur është i/e vetëm dhe për çdo pjesëtar tjetër merr 25%, me kusht që shuma e pensionit të mos kalojë 100% masën e tij;

b) Kur e veja nuk është pjesëtare e pensionit familjar, dhe përfitues është vetëm një jetim, masa e pensionit për jetimin është 50% e pensionit që gëzonte ose do të gëzonte i ndjeri;

c) Kur e veja nuk është pjesëtare e pensionit familjar, dhe përfitues janë dy ose më shumë persona, masa e pensionit familjar për secilin prej tyre është 25%, por jo më shumë se 50%  e pensionit që gëzonte ose do të gëzonte i ndjeri;

d) Shuma e një pensioni familjar nuk duhet të kalojë masën e pensionit që merrte ose do të merrte personi që vdes;

e) Jetimi merr pension familjar edhe nëqoftëse prindi që jeton është i punësuar, është ekonomikisht aktiv ose merr një pension si të drejtë të tij. Në këtë rast masa e pensionit për çdo jetim ose person tjetër që përfiton është 25% e pensionit që i takonte të ndjerit, por jo më tepër se 50% e tij;

f) Jetimi që humbet të dy prindërit merr një pension jetimi për secilin prej tyre;

Kërkesën për vazhdimin e pensionit familjar, kur mbaron afati i pagesës, përfituesi e paraqet në ALSSH-në e vendbanimit, sipas gjendjes civile, duke i bashkangjitur dokumentacionin e kërkuar.

Edlira MEMA

Agjencia Kombëtare e Provimeve publikon datat për Provimin e Shtetit për të gjithë profesionistët në fushën e mjekësisë dhe mësuesisë. Burime pranë AKP-së pohojnë se provimet po zhvillohen që prej datës 11 nëntor dhe do të vazhdojnë deri më datë 24 dhjetor, në godinën e AKP-së në adresën, Rruga “Naim Frashëri” Nr. 37, Tiranë. “Kandidatët duhet të paraqiten në AKP, 40 minuta para fillimit të provimit në të kundërt, duhet të paraqesin justifikim për të marrë pjesë në një datë të dytë brenda sezonit, nëse ka.
Kandidatët duhet të kenë me vete:
- Kartën e identitetit dhe një fotokopje të saj,
- Për kandidatët e mësuesisë nevojitet një fotokopje e pa noterizuar e diplomës Bachelor dhe Master
- Mandat pagesën e tarifës së provimit të shtetit dhe faturën, e publikuar nga AKP tek rubrika njoftime, të vulosur mundësisht nga Posta Shqiptare ose në pamundësi nga çdo bankë e nivelit të dytë”- thonë burime pranë AKP-së. Gazeta “Republika” boton sot listën e kandidatëve të diplomuar në infermieri të cilët hyjnë në Provimin e Shtetit të hënën, të martën dhe të mërkurën.

Osman Dedja