Shërbimi Kombëtar i Punësimit, subvencionim për kurset profesionale 

Shërbimi Kombëtar i Punësimit ofron kurse profesionale për të gjithë të interesuarit që duan të trajnohen në një drejtim. Për ta mjafton që të regjistrohen në një nga kurset, kundrejt një tarifë minimale për sa i takon një profesioni. Por nga kjo tarifë përjashtohen disa kategori, ku mund të përmendim gratë e trafikuara apo dhe fëmijët jetim. Shërbimi Kombëtar i Punësimit në mbështetje me Ministrinë e Mirëqënies Sociale, ndjek një program të veçantë për gjetjen e tregut të punës për punëkërkuesit e papunë. Nxitja e punësimit është ndër programet aktive, i cili nëpërmjet sigurimit të punësimit të përkohshëm apo afatgjatë ndikon në kërkesën për punë duke reflektuar drejtpërsëdrejti në uljen e papunësisë. Përmes këtij programi Zyrat e Punësimit ndërhyn realisht për të nxitur dhe mbështetur krijimin e vendeve të reja të punës në bashkëpunim me punëdhënësit nëpërmjet subvencionimit të tyre.

Llojet e programeve që ofron Shërbimi Kombëtar i Punësimit

Programi i nxitjes së punësimit të femrave nga grupe të veçanta

Ky program mbështetet në V.K.M nr. 27, datë 11/ 01/ 2012. Punëdhënësi që punëson me kontratë me kohëzgjatje një vjeçare, punëkërkues të papunë femra nga grupet e veçanta, mund të përfitojnë;

-Një financim për vit në masën 100 % të sigurimeve të detyrueshme shoqërore dhe shëndetësore të pjesës së punëdhënësit.

- Një financim për 4 muaj në masën 100 % të pagës minimale në shkallë vendi, në muajin e 5, 6, 11 dhe të 12- të të kontratës.

- Punësimi deri në 100 % të numrit aktual mesatar të të siguruarve( të 3 muajve të fundit përpara aplikimit), për mikro-ndërmarrjet dhe deri në 50 % për ndërmarrjet e tjera.

Programi i nxitjes së punësimit nëpërmjet formimit në punë

Programi i nxitjes së punësimit nëpërmjet formimit në punë mbështeten në V.K.M nr. 47 datë 16/01/2008. Ky program synon të trajnojë dhe të integrojë në tregun e punës punëkërkuesit e papunë të pakualifikuar profesionalisht. Kohëzgjatja e trajnimit është jo më shumë se 6 muaj. Në këtë rast punëdhënësi përfiton 50-70 për qind të kostove të trajnimit. Nga ana tjetër punëkërkuesi përfiton: profesion të ri, mundësi më të mëdha punësimi dhe mbështetje financiare 50 për qind të pagës minimale për periudhën e trajnimit.

Programi i kryerjes së praktikave profesionale të studentëve

Programi i kryerjes së praktikave profesionale të studentëve mbështeten në vendimin e Këshillit të Ministrave me numër 873, datë 27/12/ 2006. Ky program synon kryerjen e praktikave profesionale të kësaj kategorie, pa eksperiencë në punë. Përfitojnë të gjithë punëkërkuesit e papunë, të cilët kanë mbaruar arsimin e lartë brenda apo jashtë vendit dhe kanë më pak se 24 muaj që kanë mbaruar studimet. Kohëzgjatja e programit është për një periudhë 6 muaj. Punëdhënësi dhe studentët pjesëmarrës përfitojnë financim mujor në masën 100 për qind të nivelit të pagesës së papunësisë.

Programi i nxitjes së punësimit të papunëve punëkërkues në vështirësi

Programi i nxitjes së punësimit të papunëve punëkërkues në vështirësi mbështetet në vendimin e Këshillit të Ministrave me numër 48, i datës 16/01/2008. Ky program ka një kohëzgjatje për një periudhë një vjeçare.

Kategoritë e përfituesve:

- Të papunë afatgjatë

- Përfitues të ndihmës ekonomike

- Përfituesit e pagesës së papunësisë

- Të rinj deri në moshën 25 vjeç

- Të papunë mbi 45 vjeç

- Të papunë me aftësi të kufizuara

- Të papunë romë

Punëdhënësi përfiton kontributet e sigurimeve shoqërore për të gjithë periudhën dhe 4 paga minimale në shkallë vendi.

Qëllimi i këtij programi

- Krijimi i vendeve të reja të punës dhe ulja e nivelit të papunësisë;

- Formimi profesional i punëkërkuesve të papunë në ato zona ku mungojnë kapacitetet trajnuese;

- Mbështetje financiare ndërmarrjes për të rritur  aktivitetin e saj dhe për të bërë një përzgjedhje më të mirë të fuqisë punëtore;

- Përfshirja në këto programe e punëkërkuesve të papunë përfitues nga skemat e mbështetjes me të ardhura me qëllim uljen e kostos së këtyre programeve;

- Nxitja e punësimit për të rinjtë dhe grupet e veçanta të të papunëve.

Shërbimet që u ofrohen punëkërkuesve të papunë

Shërbimi Kombëtar i Punësimit, në mbështetje dhe bashkëpunim me Ministrinë e Mirëqënies Sociale, ofrojnë një sërë shërbimesh për të gjithë ata persona që rezultojnë të papunë.

Kush përfiton nga këto shërbime:

- Të papunët

- Të vetëpunësuarit

- Të punësuarit që kërkojnë punë të re

- Punëdhënësit

- Shtetasit e huaj

- Emigrantët e kthyer

- Shtetasit shqiptar

- Nënat me shumë fëmijë

- Të rinjtë nën moshën 18 vjeç

- të papunët afatgjatë

- Viktimat e trafikimit

- Femrat e divorcuara

- Personat me aftësi të kufizuar

Orientimi për punësim

- informimi dhe këshillimi bëhet me qëllim hyrje në tregun e punës, nëpërmjet mbështetjes të personave të mësipërm për zgjidhjen e karrierës profesionale ose dhe formimit të mëtejshëm profesional.

- Ndërmjetësim me punëdhënësit për punësimin e punëkërkuesve

- Zbatim i programeve të përbashkëta të punësimit me biznese

- Ofrim formimi profesional nga Drejtoritë Rajonale të Formimit Profesional Publik me synimin përmirësimin e njohurive dhe përftimin e specialistëve që kërkohen për të hyrë në tregun e punës.

Subvencionim për të papunët

-Ofrim i mbështetjes financiare dhe subvencionimit të punëkërkuesve të papunë të regjistruar në regjistrat e Shërbimit Kombëtar të Punësimit, për periudha të caktuara kohore me qëllim futjen e tyre në punë dhe rritjen e partneritetit me bizneset serioze të tregut të punës.

- Mbështetje me të ardhura për të papunët e larguar nga puna që përfitojnë pagesën e papunësisë sipas legjislacionit në fuqi.

Ndihmë shtetasve të huaj

Shërbimi Kombëtar i Punësimit ofron këshillim për legjislacionin dhe kriteret e punësimit për shtetasit e huaj të cilët kanë hyrë ose dëshirojnë të hyjnë në vendin tonë me lejen e punës, sipas legjislacionit përkatës.

Emigrantët e rikthyer

Shërbimi Kombëtar i punësimit ofron mbështetje dhe këshillim për të gjithë emigrantët e kthyer, për tregun shqiptar të punës, me synim integrimin e tyre si punëmarrës apo dhe të vetëpunësuar.

- Orientim drejt programeve të formimit profesional, ose vendeve të lira të punës në kuadër të zbatimeve të programeve të përbashkëta me bizneset private.

Nga Edlira Mema

Në verilindje të vendit dimri ka dhënë sot shenjat e para. Reshjet e dëborës dhe temperaturat ne vlerat negative kanë pushtuar zonat veriore dhe verilindore të Shqipërisë. Sipas raportimeve të fundit, trashësia e bores ne lartësinë 700 metër mbi nivelin e detit, kalon 8 cm çfarë ka bere qe edhe një pjese e mire e Rrugës se Kombit dhe Tunelit te Kalimashit te përfshihet nga problemet. Ne orët e para te mëngjesit, në këtë zonë ka pasur një shtrese te holle akulli e qe është evituar nga makineritë e kripës. Tri mjete borëpastruese mbajnë te qarkullueshëm segmentin Kukës-Tunel i Kalimashit. Mirëmbajtësit e rrugës se Kombit janë ne gatishmëri duke siguruar rezerva te mjaftueshme te kripës. Aktualisht aksi kombëtar është i kalueshëm e pa probleme, por premisat për reshje te bores ne vijimësi janë te pranishme.

ISKSH publikon të dhënat sipas ligjit të ri

Personat që duhet të kryejnë sigurimin vullnetar. Masa e kontributeve që deklarohet dhe mënyra e llogaritjes

 Instituti i Sigurimit dhe Kujdesit Shëndetësor publikon kategoritë që mbulohen nga skema e sigurimit shëndetësor. Duke synuar realizimin e një mbulimi të gjerë të popullatës,  Ligji nr. 10383 date 24.2.2011 “Për sigurimin e detyrueshëm te kujdesit shëndetësor ne Republikën e Shqipërisë” i cili hyri ne fuqi ne muajin mars 2013, sanksionon skemën e sigurimeve shëndetësore dhe bën ndarjen e te siguruarve ne dy kategori të mëdha: Persona ekonomikisht aktive dhe Persona ekonomikisht joaktive. Kështu më tej bëhet një nënndarje sipas veçorive ekonomike e sociale te secilit grupim. “Te dy kategoritë janë te siguruara ne skemën e sigurimeve shëndetësore, me ndryshimin e vetëm që kategoria e parë paguan vetë kontributet, ndërsa për kategorinë e dytë do te paguajë buxheti i shtetit”- thuhet në faqen zyrtare të Institutit të Sigurimit dhe Kujdesit Shëndetësor. Mbështetur në kuadrin ligjor, kategoritë që paguajnë kontributet për sigurimet përfitojnë shërbime shëndetësore falas në të gjitha Institucionet Publike Shëndetësore.

 Kategoria e popullsisë joaktive

 Kategoria e popullsisë joaktive është trajtuar me kujdes ne mënyrë që të jetë gjithëpërfshirëse për të gjitha shtresat në pamundësi ekonomike. Këtu përfshihen:

-Personat që përfitojnë nga Instituti i Sigurimeve Shoqërore;

-Personat që përfitojnë ndihmë ekonomike ose pagesën për aftësinë e kufizuar në përputhje me legjislacionin përkatës;

-Personat e regjistruar si të papunë-punëkërkues në Shërbimin Kombëtar të Punësimit;

-Shtetasit e huaj azilkërkues në Republikën e Shqipërisë;

-Fëmijët nën moshën 18 vjeç;

-Nxënësit e studentët nën moshën 25 vjeç, me kusht që të mos kenë të ardhura nga veprimtari ekonomike;

-Kategori personash që përcaktohen me ligje të veçanta si te verbrit, jetimet etj.

 Personat që mund të përfshihen në sigurimin vullnetar

 Sipas të dhënave të ISKSH-së qeveria paguan 76% te fondeve totale, duke mbuluar kategoritë ne nevojë te lartpërmendura dhe vetëm 24% janë pagesa nga kontributet. “Personat që nuk përfshihen në kategorinë e parë dhe të dytë, për shkaqe te ndryshme,  kanë të drejtë të bashkohen vullnetarisht me skemën e detyrueshme. Ne këtë kategori mund te jene personat qe jetojnë me te ardhurat qe vijnë nga emigrimi, shtëpiakët qe nuk kane zgjedhur te punojnë, studentet shqiptare jashtë shtetit për kohen qe kalojnë ne Shqipëri etj. Personat  e siguruar vullnetarisht kanë të njëjtat të drejta dhe detyrime, si personat subjekte te sigurimit të detyruar nëse përmbushin kushtin e periudhës pritëse 6 mujore nga data e regjistrimit dhe derdhjes së kontributit deri në datën e lindjes së të drejtës për të përfituar. Modalitetet e këtij sigurimi parashikohen ne rregulloren dhe kontratat vullnetare te sigurimit shëndetësor te cilat miratohen nga Këshilli administrativ i Fondit, me propozimin e drejtorit te Përgjithshëm. Për herë të pare në këtë ligj është parashikuar realizimi i regjistrit te personave te siguruar identifikimi i tyre, pajisja e tyre me numrin e sigurimit. Gjithashtu është parashikuar ndërtimi i regjistrit te dhënëseve te shërbimit shëndetësor. Ligji ndërton një sistem raportimi qe identifikon numrin e popullsisë ekonomikisht jo aktive, dhe përcakton saktësisht masën e kontributit qe shteti duhet te paguaje për ta,  duke iu referuar pagës minimale te përcaktuar nga Këshilli i Ministrave”-thuhet në faqen e ISKSH-së.

Masa e kontributit 

Masa e kontributit të sigurimit të detyruar shëndetësor është 3,4 % të bazës për llogaritjen e kontributeve për te gjitha kategoritë e mbuluar nga skema. Për të punësuarit, kontributet paguhen në masën 50% nga punëdhënësi dhe në masën 50% nga i punësuari. Ligji nuk ka sjell ndryshime ne masën e kontributit,  ndërkohë qe synon unifikimin e bazës mbi te cilin llogariten sigurimet për kategoritë e personave  ekonomikisht joaktive, për te vetëpunësuarit dhe për sigurimin vullnetar. Baza për llogaritjen e kontributit për këto kategori është mesatarja mes pagës minimale dhe maksimale për efekt të llogaritjes së kontributeve. Kjo risi sjell transparence dhe stabilitet financiar ne strukturat financiare te fondit .

 Nga Osman Dedja

Nxënësit e shkollave 9-vjeçare dhe të mes me janë të ekspozuar ndaj dhunës verbale dhe asaj fizike. Sipas studimit më të fundit të UNICEF-it, rezulton se të paktën 62% e mësuesve në nëntë qytete të vendit u bërtasin nxënësve. Veç asaj, në këtë studim vihet re një rritje e raportimit të nxënësve të rasteve të dhunës disiplinore që përdorin mësuesit, si shkulja e veshit, goditja, shtyrja apo pickimi.

Këtë fenomen shqetësues e pranon dhe ministrja e Arsimit, Lindita Nikolla, e cila premton ndëshkim të të gjithë arsimtarëve që përdorin dhunë në mjediset shkollore. Sipas saj, raste të dhunës ekstreme shfaqen më së shumti edhe mes vetë të rinjve apo adoleshentëve. “Fëmijë që keqtrajtohen nga mësuesit ka plot raste të tilla në shkollat shqiptare, për nënat që ushtrojnë dhunë për gabime të vogla të fëmijëve të tyre.

Jemi të vendosur për të ndëshkuar këdo që në ambientet e shkollës ushtron dhunë. Dhunë, padyshim psikologjike apo verbale, pa folur pastaj edhe për raste absolutisht të patolerueshme që është dhuna fizike. Po punojmë që ne të rrisim sigurinë në shkollat tona, që të jenë shkolla të sigurta për nxënësit dhe për mësueset e mësuesit”, – tha ministrja Nikolla.

Ndërsa përfaqësuesi i UNICEF-it në Shqipëri, Detelf Palm tha se: Fëmijët janë qenie njerëzore që duhet të respektohen; ne nuk mund të shohim në çdo shtëpi, por të paktën mund të kontrollojmë çdo shkollë”.

Studimi i UNICEF-it shtrihet në periudhën kohore Dhjetor 2011 – Nëntor 2013 dhe përshin 550 shkolla të rretheve Dibër, Shkodër, Lezhë, Kurbin, Tiranë,
Elbasan, Librazhd, Korçë, Vlorë. Kampioni i studimit përbëhet nga rreth 1000 mësues, 1000 anëtarë nga komuniteti dhe 90 mijë nxënës.

Sipas këtij studimi, shqetësuese është se nga raportimi i nxënësve vihet re se ka një rritje të raportimit të nxënësve për përdorimin e dhunës fizike disiplinore nga mësuesit, si shkulje veshi, goditje, shtyrje, pickim.

Po ashtu, nivelin më të lartë të raportimit të dhunës e kanë shkollat në zonat urbane, ku 55% e nxënësve raportojnë dhunë, ndërsa në zonat rurale kjo shifër ulet në 46%. 64% e nxënësve në Shkodër dhe Vlorë kanë raportuar dhunë, ndërsa nivel më të ulët raportimi ka pasur në Librazhd, vetëm 37% e nxënësve kanë raportuar forma të dhunës disiplinore.

Mësuesit gjithashtu, raportojnë nivel të lartë të përdorimit të dhunës fizike dhe verbale ndaj nxënësve të tyre. Sidomos mësuesit meshkuj e konsiderojnë si “normale” trajtimin e dhunshëm të nxënësve të tyre. Sipas studimit, Korça dhe Librazhdi raportojnë nivelin më të ulët mesatar të përdorimit të dhunës, ndërkohë që mësuesit e Lezhës, Vlorës dhe Tiranës raportojnë nivel më të lartë.

Me rastin e festave kombëtare, Pavarësia e Shqipërisë dhe Çlirimi i Atdheut, më datë 28 Nëntor 2013, Bashkia e Tiranës do të organizojë një sërë aktivitetesh festive e kulturore. Programi i propozuar për këtë ditë festive nis me homazhe tek varrezat e Dëshmorëve, në orën 10:00. Më tej në orën 11:00 do të zhvillohen homazhe dhe tek Memoriali i Komandantit Legjendar Adem Jashari tek rruga e Durrësit. Ndërkohë në rrugën pedonale “Murat Toptani’ do të hapet Panairi, i vizitueshëm nga të gjithë qytetarët. Gjatë të gjithë ditës së nesërme do të zhvillohen lojëra popullore në ambientet e parkut “Rinia”, duke u bërë kështu pika e takimit mes të rinjve, adoleshentëve dhe qytetarëve të Tiranës që duan të ndajnë mes tyre dinamikën e lojërave popullore, të inkuadruar nga animatorë profesionistë. Gjithashtu Ansambli i Tiranës do të performojë valle të të gjitha krahinave, për t’i shtuar frymën festive të gjithë qytetarëve të cilët do të mbushin rrugët në qytet, për të festuar Pavarësinë e Shqipërisë. Ansambli do të vendoset në sheshin para monumenteve të Vëllezërve Frashëri në orën 11.00-12:00, dhe në sheshin para Galerisë Kombëtare në orën 12:00-13:00. Ndërkohë Banda e qytetit do të performojë një sërë këngësh patriotike si dhe një repertor të përzgjedhur enkas për këto festime, përgjatë rrugës pedonale “Murat Toptani” dhe bulevardit “Dëshmorët e Kombit”. Si çdo vit, Aktorët e Teatrit të Metropolit do të vishen me veshje të personazheve historike, si Ismail Qemali, Isa Boletini, Luigj Gurakuqi, etj., në një background me imazhe që të kthejnë në kohë, në vitet e ngritjes së flamurit dhe do të krijojnë kështu këndin e fotografisë, ku qytetarët do të mund të bëjne foto me këto personazhe.

 Aktivitetet e Ministrisë së Kulturës

 Për here të pare në Tiranë do të jetë “Nata e Gjatë në Muze”

Galeria Kombëtare e Arteve i bashkohet për herë të parë 120 qyteteve evropiane të cilët kanë tashmë traditën e “Nata e Muzeve” e praktikuar që nga viti 1997, një histori që lindi në Berlin. Të gjithë muzeumet e qytetit do të qëndronin hapur për t’u vizituar nga artdashësit deri në mesnatë. Kjo natë u quajt LANGE NACH DER MUSEEN. Dhe pati aq sukses sa u kthye në traditë. Kësaj tradite do i bashkohemi edhe ne për herë të parë me 29 Nëntor. Gjatë kësaj nate vizitorët në Galerinë e Arteve do kenë mundësi të shikojnë falas ekspozitat dhe shfaqje të tjera të bashkëlidhura për këtë natë të veçantë. Në këtë mënyrë, piktura, skulpura, videoarti, artialternativ, muzika dhe festa shqiptare do të jenë të prekshme si për ata persona që vijnë për herë të parë në të tilla ngjarje, por dhe për turistët të cilët do të njihen më nga afër më kulturën tonë kombëtare. Në këtë mënyrë për Galerinë e Arteve “Nata e Bardhë” kthehet në “Nata e gjatë e Muzeve”.

“Nata e Bardhë Muzeale”në Teatrin Kombëtarë të Operas dhe Baletit.

Me pjesëmarrjen e interpretuesve lirikë, kuartetit të harqeve dhe Ansamblit të Këngëve dhe Valleve Popullore në një ekspozite me materialet arkivore me vlerat e rralla në hollet e TKOB-së. “Nata e Bardhë e Teatrit” në Teatrin Kombëtar, me projeksionet e komedive, dramave shqipe dhe atyre të huaja, në një maratonë deri në orët e para të mëngjesit.

“Nata e Bardhë në Muze” –Muzeu Historik Kombëtar,kudo të ketë shfaqje filmasha rtistikë dhe dokumentarësh shqiptarë, me temë nga Pavarësia dhe Lufta II Botërore.

“Nata e Bardhë”- CIRKU KOMBETAR , me numra akrobatikë në arenën e Cirkut, nga Studio e Cirkut Kombëtar dhe grupi i valleve Popullore “Trad Folk Tirana”. Me numra akrobatikë fëminorë dhe për të rinj të profileve të ndryshëm të cirkut si dhe kërcime popullore nga të gjitha trevat shqiptare. Qëndra Kombëtare për fëmijë- “Nata e Bardhë”, me koncerte për fëmijë, shfaqje filmash të regjisores Xhanfize Keko, mbrëmje poetike, interpretues në piano, kërcim dhe violin, shfaqje për fëmijë, “Kësulëkuqja” dhe “Teuta Mbretëreshë” Le të jemi së bashku në një natë të bardhë ku kryefjalë do të jetë ARTI dhe  NJERIU , le ti falim njëri-tjetrit një pakt dashurie për t’u ndjerë se jemi pjesë e familjes evropiane  e për të kuptuar se: Qyteti im më i bukur në botë është këtu, këtu nën krahët e mia.

PROGRAMI

Nata e Bardhë

Kohezgjatja: 18.00-04.00

“Natë e Gjatë në Muze”

•Koncert ne pjesen para GKA me liceistet;

•Koncert me instrumente muzikore ne ambientet e Galerise.

•Performanca dhe video-projeksione artistike

•Bashkepunimi me galerite e artit te qytetit, artiste, etj, si nje mapature e eventit ne qytet

•Animacione per femijet

•Ekspozite me femijet ne GKA

•Korridori i nje jehone se frame te pavaresise, korridor 10 metra i larte dhe i gjate 43 metra, (potenc ne efekt)!!!! me 21 projektore

TEATRI KOMBETAR I OPERAS DHE BALETIT

“Nata e Bardhë Muzeale”

•Ekspozite me materialet arkivore me vlera te rralla ne hollet e TKOB

•Koncert me artistet lirike edhe balerinet tane

•Sfilate te kostumeve kombetare se bashku me valet perkatese te treves folklorike.

•Kenge polifonike

•Kenge qytetare te kenduara nga solistet e ansamblit

•Valle festive te ndryshme

•Melodi te ndryshme orkestrale, solistike nga kuarteti harqeve te artisteve te rinj

MUZEU HISTORIK KOMBETAR

“Nata e Bardhë në Muze”

•  Do të ketë shfaqje filmash artistikë dhe dokumentarë shshqiptarë, me temë nga Pavarësia dhe Lufta II Botërore.

•  Do të projektohet  logo me shkrimin: 28-29 NËNTOR 2013, e cila do të vendoset mbi sfondin e Flamurit Kombëtar. Po në këtë mjedis do të transmetohen këngë patriotike dhe partizane.

•  Do të hapet një ekspozitë me vepra arti, me tematikë nga lufta për liri e pavarësi e popullit shqiptar.

•  Do të shfaqen filma me tematika përkatëse.

•  Do të ekzekutojë pjesë patriotike dhe partizane.

•  MHK do tëqendrojë i hapur deri në orën 2.00 të datës 30 nëntor 2013.

•  Bashkëpunim me drejtoritë arsimore për vizita të organizura në MHK, sipas një grafiku të hartuar së bashku.

•  Vendosja e programit ne tabelen e reklamës tek hyrja e veprimtarive

 CIRKU KOMBETAR “Nata e Bardhe”

Kllounët  “LOLI” dhe “VUXI”  do të realizojë një program me lojra të larmishme, pantomima, kuplete dhe kombinime prestigjatori.

•  Do të luajnë të alternuar së bashku Studio e Cirkut Kombëtar dhe grupi i valleve Popullore “Trad Folk Tirana”.

• Numra akrobatikë fëminorë dhe për të rinj të profileve të ndryshëm të cirkut si dhe kërcime popullore nga të gjitha trevat shqiptare.

•   Artistët profesionistë të Cirkut Kombëtar dotejapin nje shfaqe. Në kete shfaqje do të luhen numra akrobatikë, ekuilibri, zhonglime, pantomima, numrailuzioni, numra me kafshë, etj.

QENDRA KOMBËTARE E FËMIJËVE

10.00   KONCERT I MADH FESTIV ME FEMIJET E QENDRES KOMBETARE PER FEMIJE / nën drejtimin e Kompozitorit XhavitUjkani.

11.30   SHFAQJA “KESULKUQJA”/ Trupa e Teatrit të Kukullave.

13.00   SHFAQJA E FILMAVE VIZATIMOR PER FEMIJE /Nga Kinemaja Shqiptare/Në hollet e Teatrit të Kukullave.

17.00   MBREMJE POETIKE. “Mirësevini të festojmë së bashku”

Përgatitur nga shkrimtarja AdelinaMamaçi dhe Plator Perja

Të Ftuar: Enada&GertiVaso, Rovena Roxhari

Me pjesë baleti: “Vdekja e mjelmës” / “Gëzimi i Fluturës”

“Bluez  Girls”/ “Shopenianë”

Piano: Fëmijë të Qendrës Kombëtare për Fëmijë

18.00   PREMIERA “PRINCESHA TEUTE”

Pas Shfaqjes     KOKTEJ

Në Vazhdim   “NOSTALGJIA E FILMIT PER FEMIJE NEPERMJET SYRIT TE

REGJISORES SE MIRENJOHUR XHANFISE KEKO.

 “Qyteti më i bukur në botë”, “Mimoza Llastica”, “Një vonesë e vogël”

Fondi i garancive i vënë në dispozicion nga Bashkia e Tiranës, u ka dhënë mundësi të rinjve të parë të përfitojnë kredi për hapjen dhe zgjerimin e aktiviteteve të tyre. Kryetari i Bashkisë së Tiranës, Lulzim Basha, ideatori i kësaj nisme e ka konsideruar firmën e hedhur si garantues i këtyre kredive, si me mbresëlënësen në karrierën e tij 8 vjeçare. “Nuk e fsheh dot se ky është një ndër momentet më të lumtura dhe që më fal më shumë kënaqësi nga qindra, ndoshta mijëra firma që kam hedhur si kryetar i Bashkisë apo si drejtues i lartë publik në qeverisjen qendrore në këto tetë vite. Nuk ka kënaqësi më të madhe, nuk ka privilegj më të madh për një kryebashkiak, se sa të shikojë impaktin e drejtpërdrejtë që masa të tilla kanë tek individët, tek sipërmarrësit e rinj të qytetit dhe vetvetiu tek shëndeti i ekonomisë së qytetit, tek mundësitë e qytetit për të ofruar më shumë punësim, mirëqënie, shërbime më të mira, brenda për brenda komunitetit të tij“ – u shpreh z. Basha. Përfituesit e parë janë 7 të rinj, ndërkohë që 50 kërkesa të tjera janë në shqyrtim nga BKT. Zoti Basha tha se beson se në fillim të vitit të ardhshëm, shanset e të rinjve për të përfituar kredi do të pesëfishohen. “Fondi i garancive të Bashkisë së Tiranës me këtë bankë ishte një milion euro dhe tashmë po fillojnë efektet me 7 të parat, 50 janë në shqyrtim, shpresoj edhe 150 të tjera të vijnë sa më parë, por brenda shkurtit, Bashkia e Tiranës, në bashkëpunim me dy institucione të tjera të njohura financiare do të hapë një tjetër fond, 5 herë më të madh se sa ky që kemi në operim dhe që uroj që do të pesëfishojë shanset që tashmë ekzistojnë për të rinjtë e Tiranës, për sipërmarrësit e rinj të Tiranës, që të zgjerojnë bizneset ekzistuese apo të nisin bizneset e tyre të reja” – deklaroi z. Basha  Nga ana e tij, drejtori Ekzekutiv i Shoqatës së Bankave dhe drejtues i BKT Seyhan Pencabligil u shpreh: “Banka Kombëtare Tregtare është shumë e lumtur, për faktin që është pjesë e këtij projekti. Siç e tha edhe z. kryetar, këto janë 7 kreditë e para të miratuara, 50 të tjera janë në shqyrtim dhe inkurajojmë të gjithë bizneset e vogla, ata që nisin për herë të parë një biznes, sipërmarrësit e rinj të aplikojnë në degët e BKT, për të qenë përfitues nga ky program ( ka interesa të ulëta) dhe ne shpresojmë e urojmë që ky projekt i Bashkisë së Tiranës të mund të zgjerohet më tej. Faleminderit dhe suksese!”

Tashmë të gjitha subjektet që nuk plotësojnë kushtet higjeno – sanitare duke  vënë në rrezik jetën e konsumatorëve do të penalizohen. Gjobat por edhe pezullimi i aktivitetit do të jenë disa nga penalitetet. Sanksioneve nuk do t’ju shpëtojnë as shitësit ambulatorë, të cilët duhet të regjistrohen dhe të tregtojnë pranë pikave të autorizuara. Kjo ka qenë deklarata e ministrit të bujqësisë Edmond Panariti, gjatë një inspektimi në disa subjekte të tregtimit, të mishit, peshkut, bulmetit në tregun e pazarit të ri. “Ne nuk kemi ndërmend të penalizojmë kërkënd, pra edhe shitësin e vogël edhe shitësit ambulantë do të kenë të gjithë të drejtat e tyre për të zhvilluar aktivitetin por këto sipas të gjitha standardeve dhe të gjitha rregullave duhet të regjistrohen dhe të jenë të liçensuara. Natyrishtë duhet të tregtojnë në pika të autorizuara dhe jo në mes të pluhurit, jo në mes të baltës jo kudo por në vende të përcaktuara sipas marrëveshjes së pushtetit qendror dhe Bashkisë së Tiranës. Ne nuk përjashtojmë raste sporadike por ata do të shkojnë drejtë një eliminimi të shpejtë. Unë t’ua garantojë këtë. Ne e kemi filluar këtë për të vazhduar dhe për të mos u ndalur.” tha Edmond Panariti, ministër i bujqësisë. Pak ditë më parë Ministria e Bujqësisë, me prefekturën e Tiranës si dhe me autoritetin kombëtar të ushqimit nisën aksionet në të gjithë kryeqytetin në pikat ku tregtohet mishi. Gjatë këtyre aksioneve,  janë mbyllur shumë pika të tregtimit të mishit, pasi shumë prej tyre ushtrojnë aktivitetet në rrugë duke mos plotësuar kushtet më minimale të higjienës. Në ditët në vijim do të jetë një raportim nga autoritetet për subjektet që janë penalizuar me gjoba apo dhe që janë mbyllur

 Drejtoria e Përgjithshme e Burgjeve publikon numrin e punonjësve qërekrutohen

Kushtet që duhet të përmbushin aplikantët. Kandidatët që  kanë më shumë prioritet për tu përzgjedhur

 Publikohen vendet e lira të punës në policinë e burgjeve. Kështu, në një deklaratë për mediat Drejtoria e Përgjithshme e Burgjeve, bazuar në Ligjin Për Policinë e Burgjeve, Nr. 10032, datë 11.12.2008, gjithashtu bazuar në Urdhrin Nr. 5251/2, datë 30.07.2010 për miratimin e rregullores “Për rregullat e hollësishme të sjelljes së punonjësve të Policisë së Burgjeve”, shpall kërkesën për rekrutim për punonjës të Rolit Bazë dhe të Mesëm në IEVP Korçë me një numër prej 25 vendesh vakante dhe në IEVP të tjera për 10 vende vakante.

 Kriteret që duhen përmbushur

 Bazuar në nenin 17 të Ligjit Për Policinë e Burgjeve, “Kriteret për tu pranuar në Policinë e Burgjeve”, kandidatët duhet të plotësojnë kriteret e mëposhtme:

- Të jenë shtetas shqiptar;

- Të kenë zotësi të plotë për të vepruar;

- Të jenë në gjendje të mirë shëndetësore dhe të aftë fizikisht për të kryer detyrën

- Të kenë mbaruar arsimin përkatës*

- Të mos jenë dënuar penalisht me vendim gjykate të formës së prerë

“*Përzgjedhja sipas arsimit përkatës bazohet në Urdhrin 3714, datë 05.05.2009, “Për Përcaktimin e Arsimit Sipas Roleve në Policinë e Burgjeve” të Ministrit të Drejtësisë, ku përcaktohet se:

1- Çdo person që konkurron për të qenë punonjës i Rolit Bazë në Policinë e Burgjeve duhet të ketë përfunduar arsimin e mesëm.

2- Çdo person që konkurron për të qenë punonjës i Rolit të Mesëm në Policinë e Burgjeve duhet të ketë përfunduar arsimin e lartë.

Prioritet do të kenë personat që kanë përfunduar Akademinë e Rendit dhe atë Ushtarake, apo kanë qenë në forcat komando. Kandidatët e kualifikuar janë të lutur të dërgojnë një CV dhe një Kërkesë për pozicionin e punës në postën elektronike të DPB: dpbsh@albaniaonline.net”

 Nga Osman Dedja 

Ministri Haxhinasto inspekton Qendrën e Kontrollit Teknik 

Ministri i Transportit dhe Infrastrukturës Edmond Haxhinasto inspektoi sot Qendrën e Kontrollit Teknik te Mjeteve Rrugore (QKT).  “Kontrolli i cilësisë së automjeteve është një element shumë i rëndësishëm i situatës se sigurisë rrugore që ka sot vendi jonë, kjo për vete numrin shumë te larte te humbjeve te jetëve ne rrugët e Shqipërisë”- tha ministri, gjatë këtij takimi, ku ndër të tjera shtoi se janë mbi 370 persona qe humbin jetën  çdo vit  ne rrugët tona. “Gjendja teknike e automjeteve që lëvizin në rruge është shume e rëndësishme. Kontrolli ndaj tyre do te forcoje rigorozitetin e tij ne përputhje me ligjin, do te ketë edhe elemente te tjerë te rëndësishëm qe do t’i shtohen siç është niveli i gazrave që dalin nga automjeti pasi çështja e mjedisit dhe cilësia e ajrit reflektohet në shëndetin e çdo qytetari”- tha Haxhinasto gjatë inspektimit te tij ne këtë Qendër.  Duke shfrytëzuar vizitën në QKT,  ministri përmendi edhe masat që po ndërmerr MTI në lidhje me përmirësimin e sigurisë rrugore në vendin tone. “Do te merremi ne mënyrë urgjente me çështjet qe kane te bëjnë me vete cilësinë e rrugëve, me elementet e sigurisë dhe  sinjalistikës rrugore. Do te merremi urgjentisht me te gjitha çështjet qe kane te bëjnë me aftësinë e drejtuesve te automjeteve, me mënyrën se si jepen dëshmitë e aftësisë se drejtimit te automjeteve, si dhe do te luftojmë korrupsionin ne këtë proces”, deklaroi Ministri.  Tjetër aspekt në te cilin u ndal Ministri ishte edhe përmirësimi i kuadrit ligjor. “Ne këto momente jemi duke pare çështjen e legjislacionit për sa i takon  kontrollit te automjeteve, situatës fizike te rrugëve, se sigurisë ne rruge, situatës se sinjalistikës rrugore, aftësimit te drejtuesve te automjeteve dhe se bashku me Ministrinë e Brendshme jemi duke përgatitur dhe një pakete për te ndërhyrë, për te forcuar zbatueshmërinë e ligjit në rrugët tona”.

Kompania CEZ Shpërndarje njofton konsumatorët e saj se për shkak të një avarie është dëmtuar Transformatori T2 në N/Stacionin 35/6 kV Karbit.

Zyra për shtyp e kompanisë CEZ, bën me dije se për këtë arsye sot do të ketë stakim të energjisë elektrike nga ora 09:00 deri në orën 15:30 në N/Stacionin Karbit. Kufizime në furnizimin me energji elektrike do të kenë zonat: Rruga ”Siri Kodra”; Zona pranë ish-Magazinat e Trëgtisë; Rruga ”5 Maji ”(pjesërisht); Rruga ”Agllai Taka”; Rruga ”4 Dëshmoret”; Rruga ”Thanas Ziko”; Rruga e Dibrës (pjesërisht); Rruga ”Bardhyl” (pjesërisht); Zona Babrru.

Njoftohet gjithashtu, se grupet e specialistëve të Drejtorisë TL Qendër kanë nisur demontimin e tij dhe montimin e një transformatori tjetër.

Inspektimet, deri më shkurt të vitit 2014 

Autoriteti Kombëtar i Ushqimit ka në fokusin e tij qendror sigurinë e konsumatorit shqiptar në përputhje me legjislacionin në fuqi. Konkretisht, produkti ushqimor “buka”, për vetë natyrën si produkt, por edhe për masivitetin e përdorimit të saj në mbarë konsumatorët, ka qenë dhe është në qendër të vëmendjes për sa i përket kushteve të prodhimit, tregtimit dhe sidomos ambalazhimit të saj. Inspektorët e Autoritetit Kombëtar të Ushqimit, kanë ushtruar kontrolle të vazhdueshme në këta operatorë të biznesit të ushqimit. Megjithatë, referuar problematikave të evidentuara, është përgatitur dhe një urdhër i veçantë i Drejtorit të Përgjithshëm të AKU-së, Z.Afrim Bakaj, i cili ka filluar nga zbatimi që më datë 25.11.2013 dhe do të zgjasë deri më 25.02.2014. Objekti i këtyre inspektimeve do të jetë kontrolli mbi kushtet e përgjithshme dhe specifike tё higjienës, ambalazhimin dhe etiketimin, standardet e përdoruara për prodhimin e bukës, lëndët e para, aditivët dhe ngjyruesit e përdorur, si dhe dokumentacionin shoqërues. Vlen për t’u theksuar, së vihet re një përmirësim në lidhje me ambalazhimin dhe etiketimin e bukës. Përdorimi i ambalazhit të përshtatshëm (të certifikuar) për të qenë në kontakt me ushqimin, mbetet detyrim ligjor i operatorëve të biznesit si dhe objekt i rëndësishëm i kontrolleve të inspektorëve të AKU-së. Ambalazhi plastik është vërtetuar si ndotës shumë i rrezikshëm i ambientit. Nga ana tjetër, ky ambalazh është ndotës, kur ndodhet në kontakt me ushqimin, në rastin konkret kur është  në kontakt me bukën. Autoriteti Kombëtar i Ushqimit siguron vazhdimësinë në lidhje me zbatimin e legjislacionit në fuqi, për ruajtjen dhe forcimin e sigurisë ushqimore dhe për ndërgjegjësimin e gjithë konsumatorëve.

Intervistë me Sabri Skënderin, President i Urdhrit të Infermierit: 

Kushtet që duhet të përmbushin profesionistët e rinj për tu punësuar në tregun Europian. Rritja e nivelit profesional, ja si duhet ndërthurur praktika me teorinë në fakultete.

 “Infermierët shqiptar mund të punësohen në shtetet Europiane, nëse zotërojnë mirë gjuhën e vendit ku do të punojnë ose anglishten, si dhe nëse janë profesionistë të mirë dhe të pranueshëm për këtë treg pune”. Kështu është shprehur në një intervistë për “Republikën”, presidenti i Urdhrit të Infermierit, Sabri Skënderi, ku ndër të tjera thotë se “ aktualisht, niveli i infermierëve në Shqipëri lë akoma për të dëshiruar dhe kërkohet shumë punë për rritjen e nivelit profesional, krahasuar me vendet Europiane”. Gjatë kësaj interviste, Z. Skënderi tërheq vëmendjen në lidhje me kërkesat që duhen përmbushur për aftësimin praktik të profesionistëve të rinj, të cilët mund të punësohen jashtë vendit. “Sigurisht edhe në aspektin praktik duhen mbajtur parasysh disa kërkesa. Ne i kemi ngritur këto probleme, pasi kërkesat nisin që nga programet e studimit që realizohen në vendin tonë. Gjithashtu, ngrihet problemi i rritjes së orëve të praktikës në programet e studimit që ofrojnë Institucionet e Arsimit të Lartë në vend, në përgatitjen e duhur të infermierëve. Për të mbetur në këtë pikë, të huajt kërkojnë që programi i orëve praktike me programin e orëve teorike të jenë gati-gati të barabartë. Për këtë çështje ne kemi kërkuar organizimin e një tryeze të rrumbullakët në bashkëpunim edhe me Ministrinë e Arsimit, për të rritur cilësinë e profesionistëve infermierë në formimin bazë të tyre”- pohoi Presidenti i Urdhrit të Infermierit. Ja si është shprehur më tej ai gjatë kësaj interviste….

 -Kemi parë kohët e fundit që në shumë portale punësimi kërkohen infermierë shqiptar jashtë vendit. A ka institucioni juaj ndonjë marrëveshje dhe a janë të gatshëm infermierët shqiptar të punësohen në tregun Europian të punës?

Në shumë vende të botës ka nevojë për profesionistë infermierë. Aktualisht nuk kemi një marrëveshje. Kohë më parë kemi pasur një marrëveshje të tillë, të bërë nëpërmjet ministrisë së Punës dhe Çështjeve Sociale për një grup infermierësh që kërkoheshin në Gjermani dhe disa në Itali. Sigurisht, përpara këtyre kërkesave të herëpashershme ne gjendemi përballë disa përgjegjësive të reja. Nga ne kërkohet më shumë punë në rritjen e cilësisë së infermierëve që janë në Shqipëri. Kështu, që një infermier të arrijë të punësohet në Angli, në Itali, në Gjermani apo edhe në vende të tjera të Europës, duhet patjetër të zotërojë mirë gjuhën e vendit ose anglishten, si dhe të jetë një profesionist i mirë dhe i pranueshëm për tregun Europian. Aktualisht, niveli i infermierëve në Shqipëri lë akoma për të dëshiruar dhe kërkohet shumë punë për rritjen e nivelit profesional, krahasuar me vendet Europiane. Mbi të gjitha, siç e thashë edhe më sipër  kërkohet zotërimi i mirë i anglishtes ose i gjuhës përkatëse në shtetin ku profesionisti mund të punësohet.

 -Çfarë mund të kërkohet më shumë në aspektin praktik?

 Sigurisht edhe në aspektin praktik duhen mbajtur parasysh disa kërkesa. Ne i kemi ngritur këto probleme, pasi kërkesat nisin që nga programet e studimit që realizohen në vendin tonë. Gjithashtu, ngrihet problemi i rritjes së orëve të praktikës në programet e studimit që ofrojnë Institucionet e Arsimit të Lartë në vend në përgatitjen e duhur të infermierëve. Për të mbetur në këtë pikë, të huajt kërkojnë që programi i orëve praktike me programin e orëve teorike të jetë gati-gati të barabartë. Për këtë çështje ne kemi kërkuar organizimin e një tryeze të rrumbullakët në bashkëpunim edhe me Ministrinë e Arsimit, për të rritur cilësinë e profesionistëve infermierë në formimin bazë të tyre.

 -A keni informacione rreth personave që kanë shkuar për tu punësuar individualisht jashtë vendit, nëse kanë treguar rezultatet në punën e tyre si infermierë?

 Sigurisht kemi informacion, jo në formë zyrtare. Ne jemi marrë dhe kemi kërkuar të dhëna të tilla. Për shembull, informacionet që ne kemi mbledhur vijnëë nga shteti italian pasi në këtë vend kanë shkuar, në rrugë private, individualisht dhe me grupe, shumë infermierë me qëllim punësimi në Institucionet Spitalore. Ajo çfarë mund të them është se sigurisht që ka infermierë shqiptarë që janë punësuar në institucione shëndetësore të Italisë, madje në punën e tyre kanë bërë karrierë, si dhe kanë treguar një nivel profesional shumë të lartë. Por dua të  theksoj se ky numër është i paktë. Kryesisht infermierët shqiptarë punojnë në nivele të dyta në kujdeset infermierore, pra punojnë si operatorë sanitarë dhe si ndihmës të infermierëve. Kështu pra janë pak ata që kanë kapur pozicione të mira. Ata që kanë bërë karrierë dhe kanë zënë këto pozicione, na kanë vërtetuar se mund të bëhemi profesionistë shumë të mirë evropian..

 -Zoti Skënderi, çfarë masash po merren në përmirësimin e sjelljeve etiko-profesionale të infermierëve në Institucionet Shëndetësore në vend?

 Urdhri i Infermierit, në zbatim të ligjit për krijimin e urdhrit profesional dhe në realizim të misionit të tij, i cili punon gjithmonë për ruajtjen dhe rritjen e standardeve në kujdeset infermierore, është duke punuar në përmirësimin e sjelljeve etiko-profesionale të infermierëve, si dhe në rritjen e cilësisë së kujdesit ndaj pacientëve. Gjithçka, në këtë linjë, Urdhri i Infermierit po e bën këtë gjë nëpërmjet edukimit të vazhdueshëm profesional, në bashkëpunim me Qendrën Kombëtare të Edukimit të Vazhdueshëm. Ky urdhër është duke punuar me infermierët për kërkesat e kodit etik-deontologjik, për sjelljet etiko-profesionale për pacientët dhe familjarët e tyre, si dhe është duke trajtuar me ta tema të ndryshme sipas kërkesave që janë arsyetuar si të domosdoshme në shërbime, spitale apo në distrikte të kujdesit shëndetësor. Pra e gjithë puna jonë është e përqendruar në linjën e informimit dhe edukimit. Krahas kësaj, Urdhri i Infermierit po punon me komisionet e punës në zbatim të ligjit, duke organizuar inspektime dhe mbikëqyrje në institucionet shëndetësore mbi nivelin e këtij kujdesi dhe është duke vënë në lëvizje komisionet e gjykimit profesional. Në zbatim të ligjit “Për profesionet e rregulluara”, Urdhri i Infermierit është duke punuar për realizimin me sukses të praktikës profesionale nga të gjithë kandidatët në këto profesione.

 -Ju jeni shprehur vazhdimisht në lidhje me ricertifikimin e infermierëve. Çfarë  hapsh janë bërë deri më tani për përfshirjen e profesionistëve në këtë proces?

 Në lidhje me ricertifikimin, mund të them se aktualisht infermierët nuk janë futur në programin e ricertifikimit nga Qendra Kombëtare e Edukimit të Vazhdueshëm profesional. Ne kemi kërkuar që vitin e ardhshëm, krahas profesionit të mjekut, stomatologut dhe farmacistit, të futen edhe infermierët. Por kjo është një sipërmarrje që kërkon një angazhim të madh, kërkon një rritje të stafit të Qendrës Kombëtare të Edukimit të Vazhdueshëm. Pra ky proces ka problemet e veta dhe vendimmarrja i takon ministrit të Shëndetësisë. Natyrisht edhe pse nuk është futur programi i ricertifikimit, ne kemi punuar pothuajse në të gjitha rrethet e vendit. Infermierët kanë filluar të pajisen me kredite edhe pse nuk regjistrohen. Ne kemi një program pilot të miratuar nga ministri i Shëndetësisë për gjashtë institucione që janë në Tiranë. Aktualisht jemi duke punuar me aktivitete në këto institucione që të realizojnë më së miri kreditet e caktuara për ricertifikim. Por jo vetëm kaq, ne po punojmë për edukimin e vazhdueshëm profesional me aktivitete të akredituara në të gjitha institucionet e vendit, në mënyrë që nesër kur të fillojë ricertifikimi për të gjithë profesionistët e kujdesit, as infermierët, as mamitë, as fizioterapistët , as teknikët e laboratorit të mos gjendet të befasuar. Ata duhet ta dinë se tani do të rritet gama e studimit të tyre individual për të marrë kreditet nëpërmjet aktiviteteve profesionale në nivel distriktesh rajonale dhe kombëtare. Ata duhet të punojnë për të siguruar numrin e kërkuar të krediteve që do të jenë të domosdoshme për një ricertifikim ose rilicensim, gjë që lidhet me suksesin në profesionin e tyre.

 Intervistoi: Osman Dedja

“Maratona e Pavarësisë”, një aktivitet i iniciuar vitin e kaluar nga pasionantë të sportit nga Ulqini dhe Shkodra, është bërë pjesë e programit të hartuar për festimet e shpalljes së Pavarësisë. Grupit të maratonistëve shkodranë dhe ulqinakë, në edicionin e dytë të kësaj maratone, iu bashkuan edhe shumë të tjerë nga Tirana dhe rrethet e tjerë të Shqipërisë. Në ndryshim nga viti i kaluar, kur maratona e kishte nisjen nga Ulqini për të mbërritur në Shkodër, këtë radhë itenerari i saj, është nga Shkodra në Ulqin. Ceremonia e nisjes së garës së kësaj maratone u zhvillua në sheshin e pedonales pranë bashkisë Shkodër. Përpara se të jepej sinjali i startit, kryebashkiaku i Shkodrës, Lorenc Luka dhe deputeti shqiptar i Ulqinit, Gëzim Nimanbegu, përcollën përshendetjet e rastit, duke iu uruar sukses pjesëmarrësve.

Edhe pse klubet e kryeqytetit e kanë bërë mbrëmjen e 29 nëntorit gjithnjë në Natë të Bardhë, këtë vit pritet që edhe institucionet publike kulturore të ofrojnë një natë të mbushur me aktivitete. Më të ngjeshur duket se e ka programin Teatri Kombëtar, i cili do të bëjë në orën 18.00 hapjen e festimeve në hollin e tij. Nis me dispotivë fotografish nga arkiva e shfaqjeve që janë vënë në skenat e këtij teatri për të vazhduar më pas me monodramën “Johan Padam dhe Amerikat”. “Endrra e një nate vere”, nga Shekspir vjen në ora 21.30 dhe vetëm një orë më pas transmetohet drama “Darka e Gabuar”. Pak para mesnate një koncert poetik do të ofrohet nga aktore të njohur. Edhe Cirku Kombëtar i bashkohet Natës së Bardhë. Si çdo institucion edhe ai i nis festimet në ora 18.00 për t’i mbyllur në orën katër të mëngjesit të ditës tjetër. Numra akrobatikë do të vijnë në arenë nga Studio e Cirkut Kombëtar dhe grupi i valleve Popullore “Trad Folk Tirana”. Cirku pret jo vetëm fëmijët, por edhe të rinjtë, ashtu sikurse edhe Galeria e Arteve, program i së cilës i përfshin fëmijët, të rinjtë dhe të rriturit. Më të ngjeshur duket se e ka programin Teatri Kombëtar, i cili do të bëjë në orën 18.00 hapjen e festimeve në hollin e tij. Nis me dispotivë fotografish nga arkiva e shfaqjeve që janë vënë në skenat e këtij teatri për të vazhduar më pas me monodramën “Johan Padam dhe Amerikat”. “Endrra e një nate vere”, nga Shekspir vjen në ora 21.30 dhe vetëm një orë më pas transmetohet drama “Darka e Gabuar”. Pak para mesnate një koncert poetik do të ofrohet nga aktore të njohur. E ndërsa këto institucione do t’i ofrojnë falas shërbimet e tyre, disa nga baret, klubet e natës dhe restorantet do të shërbejnë nën kosto. Kudo ku do të shihni fashën “Këtu festohet Nata e Bardhë”, bashkangjituni festës. Dhe nëse keni një flamur, do të ishte mirë ta kishit ndrë duar, për t’ju bashkuar kështu imazhit të festës.

Ministria e Drejtësisë publikon datat dhe oraret e testimit

Lista e kandidatëve që janë kualifikuar për pjesëmarrjen në provimin, janë përzgjedhur pa konkurs dhe janë skualifikuar. Dokumentet që kërkohen 

 Në bazë të Urdhrit të Ministrit të Drejtësisë nr. 650/2 datë 27.11.2013 “Për përcaktimin e datës së konkurrimit, ngritjen dhe përbërjen e komisioneve të testimit, si dhe masën e shpërblimit të pedagogëve të përfshirë në përzgjedhjen e përkthyesve të jashtëm të Ministrisë së Drejtësisë për vitin 2014, pas shqyrtimit të ankesave të kandidatëve të shkualifikuar, Ministria e Drejtësisë afishon listat përfundimtare:

-Të kandidatëve që janë kualifikuar për pjesëmarrjen në provimin për përkthyes zyrtarë;

-Të kandidatëve që nuk janë kualifikuar për pjesëmarrjen në provimin për përkthyes zyrtarë si dhe arsyen përkatëse;

-Të kandidatëve të përzgjedhur pa konkurs për vitin 2014.

Provimi do të zhvillohet në datën 06.12.2013, ora 10.00 – 12.00 në ambientet e Ministrisë së Drejtësisë. Kandidatët të pajisur me dokument identifikues duhet të paraqiten pranë mjediseve të Ministrisë së Drejtësisë të paktën një orë përpara orarit të fillimit të provimit për të kryer procedurat identifikuese dhe verifikuese.

Nga: OSMAN DEDJA

 LISTA E KANDIDATËVE QË KUALIFIKOHEN TË PËRFSHIHEN NË PROCESIN E TESTIMIT ME SHKRIM PËR PËRKTHYES ZYRTAR

ANGLISHT

1.ANEJDA RRAGAMI

2.JONIDA TATAZI

3.JULIAN SHYTI

4.SHPETIM DULLA

5.MATILDA BILBILI

6.REFIK ALIKO

7.ANISA AZIZOLLI

8.GENTIANA HYSAJ

9.DORIAN ZHEGA

10.AIDA GJINI

11.AURORA ABAZAJ

12.ARJOLA GUHAÇAJ

13.DESIDA SHKOZA

14.MIMOZA KASAPI

15.BLERINA GREMI

16.EMINA LIMJA

17.ALBANA KOLMARKU

18.PRANVERA CIBAJ

19.MIRSADA ZAJA

20.TAULANTA BAKU

21.ANXHALA SPASARI

22.MORENA BRAÇAJ

GJERMANISHT

1.FLORENCA MUSAI

2.NAJADA ÇULIQI

3.ERLINDA QIRJAKO

4.EVIS VASILI

5.ELSA KEQIRA

6.MANJOLA ALLKAJ

7.ROZITA PALOKA

8.SANILA QAFA

9.ANXHELA BELKOVI

10.LINDITA ÇIKOJA

11.BRILANDA FISHTA

12.JONIDA PEZA

13.RINA XHUXHA

ITALISHT

1.FLORENCA MUSAI

2. NAJADA ÇULIQI

3. ERLINDA QIRJAKO

4. EVIS VASILI

5. ELSA KEQIRA

6. MANJOLA ALLKAJ

7. ROZITA PALOKA

8. SANILA QAFA

9. ANXHELA BELKOVI

10. LINDITA ÇIKOJA

11. BRILANDA FISHTA

12. JONIDA PEZA

13. RINA XHUXHA

ITALISHT

1. BARDHYL MALELLARI

2. FILLORETA APOSTOL

3. ALBI OLLDASHI

4. ARJETA DIBRA

5. ARTJON KACA

6. ANILA HITAJ

7. ARMANDO KAMBERAJ

8. IVA HYSENI

9. VALBONA MEHMETI

10. DALINA BUCAJ

11. FABIO PREVAZI

12. NERTILA ALLAJBEJ

13. MAJLINDA XHEPAJ

14. ILARIO LULA

15. ARJELA KAMBERI

16. FRIDI DARDHA

17. IRIS DHAMO

18. FAUSTA TODHE

19. VALBONA KRAJA

20. LUBJANA SAMSURI

21. LORENA KACA

22. LORENA SADIKU

23. KLODIANA MANAJ

24. PLARENT ANAMALI

25. ALBA TENEQEXHI

26. HABIB SHEHU

27.DRILONA JAHO

28.MARJANA KOÇI

GREQISHT

1.MARJOLA MEMAJ

2.HURMA GJECI

3.EMILJANO AVDULI

4.ARMIDA ISLAMI

5.VERONIKA KALLANXHI

6.JANI PANO

GREQISHT

7.ENIANA GOBUZI

8.ENEA BUSHI

9.AGLLAIA BUSHI

10.SHPËTIM MURRJA

11.ANILA HAXHIU

12.NERTILA XHEDIKU

13.MAGI NDINI

14.IOANA MARO

15.GENCI MORAVA

16.ANGJELLO MICI

17.ILIR SHURAJA

18.POLIKSENI SHKËMBI

FRENGJISHT

1.AIDA KILA

2.FABIOLA GAJDA

3.MIRELA ROBO

4.SONILA DAJCAJ

5.ELDA HIMA

6.BLERINA PASHAJ

TURQISHT

1.ARTAN DOBI

2.ALBANA DYLA

3.ARTILA SHURAJA

4.ARJOLA ÇELA (HATIJA)

5.BESTAR MERA

6.EDMIR SYLJA

7.LEONARD LILE

8.KUJTIM QERSHORI

9.TAULANT ARUÇI

LISTA E KANDIDATËVE QË KUALIFIKOHEN PËR PËRKTHYES ZYRTAR

PA U PËRFSHIRË NË PROCESIN E TESTIMIT ME SHKRIM

ITALISHT

1.LULJETA SHTINO

GJERMANISHT

1.PETRIT REVANIA

2.DALINA ISAKAJ

3.ELFRIDA BILAJ

4.SARA GURRAJ

RUSISHT

1. SAIME MALIQI

2. ARGITA NAKO

3. IRIDA XHENETI

4. ARLIND MYFTARI

TURQISHT

1.ALBAN FOÇI

2.URTIS HARRI

GREQISHT

1. ALMA MARKO

2. VASIL PAPA

3. KRISTINA PAPA

4. ISIDA FOÇI

5. MAGDALINI BUKA

ARABE

1.MAHIR XHAFA

BULLGARE

1.ANITA SHAQIRI

RUMANISHT

1.BLEDAR SHEHU

2.ELENA VAKO

3.ERMELINDA DURMISHI

 SPANJISHT

 1.EVIS BAKSHEVANI

2.FATJON NIKOLLI

3.VALON PULA

SUEDISHT

 1.SVETLLANA ANASTASI

VLLAHE

 1.KRISTO GOCI

LISTA E KANDIDATEVE QË NUK KUALIFIKOHEN PËR PROCESIN E TESTIMIT ME SHKRIM PËR PËRKTHYES ZYRTAR

 ANGLISHT

Marsida HARIZAJ Nuk ka te dokumentuar përvojën në përkthim,

Parid PLAKU Nuk ka të dokumentuar përvojën në përkthim,

Naim HOTI  Nuk ka të dokumentuar përvojën në përkthim

Alma FERKO Nuk plotëson kriteret e aplikimit

TURQISHT

Juleda HANI  Nuk ka të dokumentuar përvojën në përkthim

SERBO – KROATE

Skender SHEHU Nuk ka të dokumentuar përvojën në përkthim

BULLGARE

Saimir FETAH Nuk ka të dokumentuar përvojën në përkthim

ARABISHT

Shaban VATHAJ Nuk ka të dokumentuar përvojën në përkthim

SPANJISHT

Jolanda SULA Nuk ka të dokumentuar përvojën në përkthim

RUMUNE

Fatjona QURKU Nuk ka të dokumentuar përvojën në përkthim

Ndërprerja e reshjeve të dëborës ka sjelle përmirësim te situatës për rrugët rurale ne veri te vendit, kryesisht ne qarkun e Shkodrës. Segmenti Pukë-Qafe Mali-Bajram Curri është i kalueshëm, por gjithsesi kërkohet te behet kujdes nga ngricat. Rruga e Dukagjinit është e qarkullueshme, por duhen zinxhirë ne pjesën e malit te Shoshit. Gjithashtu u hap rruga Shkodër- Shllak, dhe ka nisur zhbllokimi i rrugës së Iballës në rrethin e Pukës. Problematike paraqitet situata  në Komunën e Kelmendit në Malësi të Madhe. Ne rrugën Tamare- Vermosh, në segmentin Gropa Selcë-Qaf Predeleci trashësia e dëborës i kalon 50 cm. Po punohet për zhbllokimin e saj, kurse Bogë-Qaf Thore mbetet e bllokuar.

Nënkryetari i Bashkisë së Tiranës, z. Enno Bozdo ka përuruar sot rrugën “Bajram Çela” në njësinë bashkiake nr.3. Një investim i Bashkisë Tiranë që kap vlerën prej 60 milion lekësh do të jetë në shërbim të një komuniteti prej më shumë se 100 familjeve. Rrugë e cila ishte lënë në harresë nga ish-kryebashkiaku i mëparshëm, por që sot është prova më e mirë që Bashkia e Tiranës i shërben qytetarëve të saj me punë dhe vepra. “Sot përurojmë rrugën “Bajram Çela”, një rrugë rreth 150 metra e gjatë. Një investim i Bashkisë Tiranë, siç e shikoni është sjellë në parametra mëse të lavdërueshëm të saj. Me një projekt të plotë që ka përfshirë investimin për ujërat e bardha, investimi për ujësjellësin, investim të plotë për ujërat e zeza, sinjalistika dhe ndriçimi, ka qenë një rrugë e cila është kërkuar me ngulmë nga komuniteti i kësaj minibashkie, dikur në gjendje të mjerueshme, sot, kjo rrugë i shërben më shumë se 100 familjeve, dhe është, edhe njëherë treguesi dhe prova e përkushtimit të Bashkisë Tiranë ndaj komunitetit të qytetit tonë. Jo vetëm kaq, por ne do të vazhdojmë, me programin tonë ambicioz për të investuar në çdo rrugë, në çdo rrugicë, dytësore apo tretësore në qytetin e Tiranës. Në mënyrë që të përmirësojmë kualitetin e jetës së qytetarëve të Tiranës, por gjithashtu edhe të mbajmë premtimin tonë për një qytet dhe një Tiranë Europiane”- u shpreh Nënkryetari Bozdo. Rruga ka të gjithë infrastrukturën e domosdoshme atë mbi dhe nëntokësorë, me ndriçim,  ujësjellës dhe kanalizime të ujërave të bardha dhe të zeza.

Speciale/ Instituti i Sigurimeve Shoqërore publikon emrat e atyre që përfshihen në skemë

Lista e plotë e personave që kualifikohen për pensione suplementare dhe të parakohshme në të gjithë qarqet. Procedura që ndiqet për rillogaritjen e tyre

 Instituti i Sigurimeve Shoqërore publikon listën e ish-ushtarakëve, për të cilët  është llogaritur përfitimi. Bëhet fjalë për 127 emrat që pas mbërritjes së dokumentacionit nga dikasteret e linjës, është kryer llogaritja. Konkretisht, në mbështetje të udhëzimit të ISSH-së dhe Ligjit nr. 10142, datë 15.05.2009,  personave që e drejta për përfitim iu ka lindur nga data 27.06.2009 e në vazhdim, procedura e dorëzimit të dokumenteve edhe e caktimit të përfitimit do të jetë si më poshtë:

a) Inspektori i pensioneve suplementare, me paraqitjen e personave që përfitojnë nga Ligji Nr. 10142, datë 15.05..2009, në zyrën e  sigurimit suplementar, vë në dispozicion të tyre dy kopje të kërkesës-format për pension të parakohshëm apo për pension suplementar pleqërie, sipas rastit, si dhe listës e dokumenteve që ata duhet të paraqesin;

b) Inspektori e regjistron kërkesën në regjistrin e posaçëm duke i vendosur dhe numrin përkatës, çel një dosje, në të cilën vendos kërkesën bashkë me dokumentet e sjella nga përfituesi, e plotëson atë me dokumentet e tjera që jepen nga sigurimet shoqërore dhe e vendos në pritje për ta bashkëlidhur edhe me dokumentet që priten të vijnë të plotësuara nga Ministritë apo institucionet përkatëse. Inspektori orienton përfituesin që një kopje të kërkesës ta dërgojë pranë Institucionit që e ka nxjerrë në lirim, i cili do të plotësojë dokumentet e parashikuara;

c) Me mbërritjen e dokumentacionit nga institucionet përgjegjëse për personin përfitues, inspektori i bashkon ato në dosjen përkatëse dhe brenda 2 ditëve, llogarit masën e pensionit, sipas përcaktimeve ligjore.

 Rillogaritja

 Rillogaritja e përfitimit kryhet nga inspektorë e degës së pensioneve, bazuar në këto dokumente dhe sipas procedurave të caktuara në Rregulloren Nr. 1, datë 21.10.2008. Përveç rregullave të përcaktuara më sipër, do të zbatohen edhe rregullat e caktuara në Ligjin nr. 9588, datë 25.07.2006 “Për rillogaritjen e pensioneve”, dhe në Vendimin përkatës të Këshillit të Ministrave për zbatimin e këtij Ligji, për efekt të rillogaritjes së pensionit të pleqërisë, sipas Ligjit nr. 7703, datë 11.05.1993, të ndryshuar, dhe për rillogaritjen e pensioneve suplementare, bazuar në Ligjin nr. 10142, datë 15.05.2009.

 Nga: OSMAN DEDJA

Emer   Atesia Mbiemer Lloji perfitimit        Rajoni

Abdyl   Hysni    Qefalia P.Parakohshem           Tirana

Agim    Hysni    Duro    P.Parakohshem           Tirana

Agim    Rrap     Bala     P.Parakohshem           Tirana

Agim    Sadik   Baroka P.Parakohshem           Tirana

Akil      SefedinJonuzaj P.Parakohshem Fieri

Aleksander Lili Rreza    P.Parakohshem           Fieri

Ali        Jusuf     Muca   Suplementar Pleqerie    Tirana

Astrit    Ali        Skufi    P.Parakohshem            Gjirokaster

Astrit    Demir   Malkaj Suplementar Pleqerie    Tirana

Astrit    Haxhi   Farka   Suplementar Pleqerie    Tirana

Bedri    Avdyl   Bega    Suplementar Pleqerie    Tirana

Belul     Shaban Jahaj    Suplementar Pleqerie    Tirana

Besim   Avdyl   Dule     Suplementar Pleqerie    Berati

Dan      Sulejman          Kurtaj  P.Parakohshem Kukesi

Demir   Ferit     Kambo Suplementar Pleqerie   Tirana

Demush Jakup  Zenelaj Suplementar Pleqerie Tirana

Dilaver Ahmet  Tahiri    Suplementar Pleqerie    Tirana

Dritan   Sheme  Lamaj   Suplementar Pleqerie    Tirana

Durim   Banush Lila       P.Parakohshem Tirana

Engjellushe Sefedin Ashiku P.Parakohshem Elbasani

Enver   Sabri    Duraj    Suplementar Pleqerie    Fieri

Estref   Tajar    Balili     P.Parakohshem            Elbasani

Fatmir  Kalo     Lelaj     P.Parakohshem            Gjirokaster

Feim     Zenun   Zeqo    Suplementar Pleqerie    Fieri

Ferit     Demir   Xhafa   P.Parakohshem            Fieri

Ferrik   Çize     Canaj   Suplementar Pleqerie    Fieri

Flatun   Medin  Seferi   P.Parakohshem            Fieri

Floresha Xhemil Dragoi P.Parakohshem            Tirana

Gani     Qazim Gjekaj  Suplementar Pleqerie    Shkoder

Gezim   Adem   Beqiri   P.Parakohshem            Tirana

Haki     Selim    Bahiti    Suplementar Pleqerie    Durresi

Halit     Dalip    Hysenli P.Parakohshem            Tirana

Halo     Sadik   Mejdiaj P.Parakohshem            Tirana

Hate     Qamil   Goxhaj Suplementar Pleqerie   Fieri

Hekuran Ismlam Llrshi P.Parakohshem Tirana

Ibrahim Nuredin Sheshi Suplementar Pleqerie Durresi

Ilirian    Hasan   Cela     P.Parakohshem            Berati

Ilirjan    Xhafer  Muzha  Suplementar Pleqerie    Tirana

Imer     Ismail   Osmenaj Suplementar Pleqerie Fieri

Ismail   Xhafer  Remi    Suplementar Pleqerie    Tirana

Isuf       Ibrahim Duka   Suplementar Pleqerie    Diber

Jashar   Arshim Basha   Suplementar Pleqerie    Tirana

Kadri   Ramadan Mera Suplementar Pleqerie    Diber

Kol      Preng   Dedgjoni P.Parakohshem          Tirana

Kostaq Foto Kardhashi Suplementar Pleqerie Tirana

Kozma Sotir     Nushi   Suplementar Pleqerie    Fieri

Kristaq Mihal    Gjeçi    Suplementar Pleqerie    Fieri

Kristaq Stathi    Ngjela  Suplementar Pleqerie    Tirana

Kujtim  Celo     Begaj   Suplementar Pleqerie    Durresi

Kujtim  Naim    Kodra  Suplementar Pleqerie    Korca

Kujtim  Xhemali            Daci     P.Parakohshem            Durresi

Leke    Llukan  Gjicali   Suplementar Pleqerie    Tirana

Liri       Seit      Kuka    Suplementar Pleqerie    Fieri

Lirika   Qamil   Mecollari P.Parakohshem         Tirana

Liza      Pandi    Bima    Suplementar Pleqerie    Tirana

Llazar   Gjergji  Rista     Suplementar Pleqerie    Fieri

Llazi     Isuf       Llanaj   Suplementar Pleqerie    Tirana

Llukan  Mina    Voja     Suplementar Pleqerie    Fieri

Llukan  Vangjel Shyti    Suplementar Familjar    Tirana

Luan     Hysen   Aliaj     P.Parakohshem            Tirana

Luan     Riza      Muca   P.Parakohshem            Korca

Luftar   Jonuz    Metaj   Suplementar Pleqerie    Korca

Luftim   Hysen   Xhani   P.Parakohshem            Tirana

Luman  Hajrush Bucuku Suplementar Pleqerie Tirana

Mako   Vasil     Xheli    P.Parakohshem            Tirana

Maksim Anastas Prifti   P.Parakohshem/S.Pleqeri Tirana

Mefail   Anastas Koka  Suplementar Familjar    Tirana

Mefail   Mystehak Callo Suplementar Pleqerie Tirana

Merita  Enver   Qato    P.Parakohshem            Elbasani

Mete    Magrip Peçi      P.Parakohshem            Gjirokaster

Mexhit  Ramadan  Mera Suplementar Pleqerie Gjirokaster

Mico    Sotir     Guberaj Suplementar Pleqerie Tirana

Mitat    Sihat     Cenaj   Suplementar Pleqerie    Fieri

Muhamet Sadik Neli     P.Parakohshem            Korca

Muharrem Zenel Rakipi Suplementar Pleqerie Gjirokaster

Murat   Asim    Lujkaj  P.Parakohshem            Shkoder

Myqerem Seit   Cekaj   Suplementar Pleqerie    Fieri

Naun    Kostandin Bregu Suplementar Pleqerie  Durresi

Nazmi  Hysen   Kalia    P.Parakohshem            Tirana

Nesim  Gurtali  Kafazi  Suplementar Pleqerie    Tirana

Nesti    Pano    Koti     P.Parakohshem            Gjirokaster

Nexhat Fejzulla Feta     P.Parakohshem            Diber

Nuredin Rustem Fejzaj P.Parakohshem Tirana

Pal       Gjon     Shkreta Suplementar Pleqerie   Tirana

Perparim Sami  Salillari Suplementar Pleqerie    Tirana

Petrika Thanas Jica       Suplementar Pleqerie   Tirana

Petrika Thanas Jica      P.Parakohshem            Tirana

Petrit    Kosta   Ngresi  Suplementar Pleqerie    Fieri

Piro      Vasil     Peto     P.Parakohshem            Fieri

Rait      Kasemb Kasembaj Suplementar Pleqerie Tirana

Rasim   Kadri   Smakaj P.Parakohshem           Tirana

Resul    Karafil  Osmani P.Parakohshem            Gjirokaster

Rifat     Ramazan Marsela Suplementar Pleqerie Tirana

Sadik   Luman  Hysi     Suplementar Pleqerie    Tirana

Sami     Misir    Xhumari P.Parakohshem           Fieri

Seid     Feim     Dema   Suplementar Pleqerie    Fieri

Shkelqim Ali Germenji P.Parakohshem Fieri

Shkelqim Muhamed Lazaj Suplementar Pleqerie Tirana

Shyqyri Hetem Telhaj   Suplementar Pleqerie    Tirana

Sinan    Ibrahim Cahani Suplementar PleqerieTirana

Skender Rakip Rapia   Suplementar Pleqerie    Tirana

Sokrat  Petro    Plaku    Suplementar Pleqerie    Tirana

Spartak Xhevit Malaj    Suplementar Pleqerie    Tirana

Stefi     Haxhi   Kuqo   Suplementar Pleqerie    Korca

Sulo     Riza      Korita  Suplementar Pleqerie    Fieri

Tajar    Hamit   Rami    Suplementar Pleqerie    Tirana

Themi   Zoi       Llupo   P.Parakohshem            Fieri

Vangjel Sotiraq Thimo Suplementar Familjar Tirana

Veiz     Medin  Cela     P.Parakohshem/S.Pleqeri Tirana

Velami  Qazim  Sheme  Suplementar Pleqerie    Korca

Veledin Shefqet Dragoi Suplementar Pleqerie Tirana

Veli Mustehak  Selimaj Suplementar Pleqerie Fieri

Veli Shefik Salaria        Suplementar Pleqerie    Korca

Viktor  Çelo     Demaj  P.Parakohshem            Fieri

Viktor  Petro    Totoni  Suplementar Pleqerie    Tirana

Viktori  Pali       Shazivari Suplementar Pleqerie Tirana

Vilson   Tomor  Kurti    Suplementar Pleqerie    Tirana

Vjollca Rexhep Cullhaj P.Parakohshem            Tirana

Vladimir Ibrahim Gashi P.Parakohshem Tirana

Xhavit  Xhemal Huta    P.Parakohshem            Tirana

Xhelal   Imer     Shiba    P.Parakohshem            Durresi

Xhemal Kamber Shehu P.Parakohshem/S.Pleqeri Tirana

Xhevahir Shefqet Pepa P.Parakohshem Elbasani

Xhevat Nazif    Lamaj   Suplementar Pleqerie    Tirana

Xhevit  Gani     Coha    P.Parakohshem            Elbasani

Xhezo  Ali        Bregaj  Suplementar Pleqerie    Fieri

Zenun   Islam    Fero     P.Parakohshem            Tirana

Rritet numri i të prekurve, 95 raste për 2013-ën. 

Metodat që ndiqen për këshillimin psikologjik të pacientëve 

95 raste të reja është numri i të prekurve nga virusi Hiv-Aids, vetëm për vitin 2013 në vendin tonë. Kështu, në kuadër të Ditës Botërore kundër Hiv-Aids, “Republika”, sjell për lexuesit e saj shifrat më të fundit dhe raportet e Institutit të Shëndetit Publik. Ndërkohë, vetëm për 11 muaj, në vendin tonë paraqiten 95 raste të reja dhe në total numri i të prekurve ka shkuar 671. Ndërkohë, numri i rasteve të vdekjeve është 118. Alarmante është fakti se virusi vdekje prurës po godet edhe fëmijët. HIV/AIDS mbetet një nga sfidat më madhore të shëndetit, pasi sëmundjet e lidhura më AIDS përbëjnë një nga shkaqet më të rëndësishme të vdekjeve në botë. Në 1 dhjetor, si Dita Kundër sëmundjes së shekullit, institucionet shëndetësore në vend bëjnë apel për “kujdes” por edhe për masat që ky fenomen i frikshëm të minimizohet.

Numri total i të prekurve me Hiv-Aids

- Totali 671

- Raste të reja ne vitin 2013      96

- Meshkuj        469

- Femra            202

- Të rritur (>25 vjeç)    579

- Të rinj (16-24 vjeç)    59 raste (8.9%)

- Fëmijë (0-15 vjeç)     33 (25 MTCT, 6 gjaku, 2 të panjohur)

- Vdekje nga AIDS      118

- Grupmosha më e prekur         25-45 vjeç (62.1%)

Këshillimi

Këshillimi është proces ndëraktiv, që karakterizohet nga një marrëdhënie unike ndërmjet këshilluesit e klientit, një marrëdhënie, e cila bën që klienti të ndryshojë sjelljen, si dhe aftësitë dhe njohuritë e tij lidhur me vendimmarrjen. Në këtë mënyrë, këshillimi është një proces bashkëveprimi dypalësh, që e ndihmon klientin të zbulojë mënyrën sesi ai mendon, sesi ndihet dhe si vepron, me qëllim përmirësimin e jetës së tij. Këshillimi ka për qëllim të zbuloj, të identifikoj dhe të hartoj strategji realiste dhe të arritshme. Këshillimi ndihmon në krijimin e perspektivave të reja dhe të ndryshme. Perspektivat e reja mund të ndihmojnë klientët për të pare dhe për të vlerësuar ndryshe, një situatë apo një problem. Efektiviteti i procesit të këshillimit vlerësohet nga ndryshimet pozitive që ndodhin me klientin. Klienti është personi më i rëndësishëm për këshilluesin. Profesionistët që punojnë në rolin e këshilluesit hartojnë planet e ndërhyrjes dhe strategji të përcaktuara, duke ju referuar veçorive individuale të çdo klienti dhe reagimeve të tyre. Këshillimi është një mënyrë të punuari, që kërkon përkushtimin e duhur dhe që ka një kosto të caktuar. Këshillimi ndikon në mënyrë të drejtpërdrejtë në procesin e të menduarit, të ndjerit dhe të vepruarit. Këto procese, tek individët që kanë nevojë të këshillohen, janë të ndërvarura me njëra–tjetrën, dhe ndryshimi tek njeri proces sjell ndryshim dhe tek procesi tjetër. Këshilluesi duhet të jetë profesionist, të ketë aftësitë e duhura për të punuar me klientë të ndryshëm, pasi çdo klient është unik dhe ka veçoritë e tij individuale, lidhur me mënyrën sesi përshtatet me mjedisin dhe situatat e ndryshme. Këshillimi ofron mbështetje psiko-sociale për probleme të caktuara, në situata të ndryshme. Këshillimi për HIV/AIDS është një proces dypalësh konfidencial mes Klientit dhe Këshilluesit, ka për qëllim të jap informacion, të mbështes, të lehtësoj dhe ndërgjegjësoj klientin mbi rezultatin e testimit, duke vlerësuar riskun personal të transmetimit të HIV dhe lehtësimin e përshtatjes së sjelljeve parandaluese.

Këshillimi i HIV/AIDS ka dy objektiva:

- Të parandalojë përhapjen e infeksionit dhe transmetimit të tij nëpërmjet ndryshimit të sjelljeve.

- Të sigurojë mbështetjen psiko-sociale.

Këto synime arrihen nëpërmjet

- informimit të klientit rreth HIV/AIDS dhe pasojave të tij në jetën e përditshme.

- informimit rreth mënyrave të dhënies së ndihmës për personat, familjarët apo miqtë e prekur nga HIV/AIDS, në mënyrë që të përballohen reagimet e ndryshme emocionale.

- Diskutimit lidhur me masat që duhen ndërmarrë për të plotësuar nevojat e klientëve dhe për të lehtësuar rrethanat në të cilat ata ndodhen.

- Nxitjes së ndryshimeve të cilat janë të nevojshme, për të parandaluar dhe kontrolluar infeksionet.

Mbështetja psiko-sociale

Njerëzit e diagnostikuar me virusin HIV përballen me një mori problemesh, të cilat kërkojnë mbështetje emocionale e praktike. Ankthi rreth përhapjes së infeksionit, izolimi fizik, hospitalizimi, diskriminimi në komunitet apo familje, humbja e shtëpisë, ndërprerja e shkollimit, efektet fizike të sëmundjes, përparimi i sëmundjes, humbja e lidhjeve, zemërimi, vetmia dhe depresioni, janë të gjitha probleme të cilat duhen trajtuar. Këto probleme mund të jenë vazhdueshme, si për personin me HIV/AIDS, ashtu dhe për personat që sigurojnë kujdesin për ta. Fakti që këto probleme nuk janë gjithnjë konstante dhe të parashikueshme, shkakton probleme emocionale. Në këtë situatë, është i nevojshëm realizimi i procesit të këshillimit. Këshillimi mund të jetë veçanërisht i dobishëm në përcaktimin e rrethanave, në të cilat këto probleme shfaqen si dhe, në ndihmën që i jepet individit për të planifikuar rrugët, dhe mënyrat e përballimit të tyre në një mënyrë proaktive. Këshillimi e ndihmon individin të reagojë ndaj problemeve me të cilat ai ndeshet. Këshillimi duhet të ndihmojë ata individë që janë të prekur nga HIV/AIDS për të jetuar si gjithë të tjerët, duke rritur aftësitë e tyre për të vendosur kontroll mbi gjithçka që lidhet me jetën e tyre. Është detyrë e këshilluesit, që herë pas here problemet që shfaqen, t’i vlerësojë dhe t’i trajtojë në një këndvështrim të ri. Këshilluesit shpesh mund të marrin edhe rolin e mbrojtësit apo “avokatit të pacientit”, duke gjeneruar një fuqi terapeutike tek individët, familjet dhe tek shoqëria duke siguruar mbështetje për ta. Mbështetja emocionale, që sigurohet nëpërmjet procesit të këshillimit, e ndihmon klientin të vazhdojë të jetë aktiv në punën e tij të përditshme, në procesin e edukimit, në jetën familjare dhe atë shoqërore, si dhe bën të mundur uljen e varësisë që individi ka krijuar ndaj shërbimeve sociale dhe atyre shëndetësore. Gjithashtu, kjo mbështetje mund të ndihmojë në reduktimin e problemeve psikologjike që individi ka. Një nga qëllimet kryesore të procesit të këshillimit të personave me HIV/AIDS, është parandalimi i infeksionit.

Disa mënyra të ofrimit të këshillimeve

- Këshillim përmes telefonit.

- Këshillim individual.

- Këshillim në grup.

- Këshillim me një seancë të vetme.

- Këshillim afatshkurtër.

- Këshillim afatgjatë.

Rëndësia e Këshillimit për HIV

Diagnostikimi, dyshimi për sjellje të rrezikshme për infektimin dhe transmetimin e virusit HIV, shkakton probleme shëndetësore dhe psiko-sociale. Problemet e lidhura me HIV/AIDS shoqërohen me stigmën dhe diskriminimin duke ndikuar kështu: jetën familjare, marrëdhëniet seksuale, sociale, punën, shkollën, nevojat shpirtërore, statusin ligjor dhe të drejtat civile. Përshtatja dhe pranimi i gjendjes së re me virusin HIV përfshin, adaptimin dhe manaxhimin konstant të stresit. Ai është dinamik, evolues dhe shtron kërkesa të reja gjatë gjithë jetës mbi individin, familjen e tyre dhe komunitetin ku ata jetojnë. Shumë njerëz janë të kufizuar, ose ndjehen të kufizuar në atë ç’ka mund të bëjnë me jetën e tyre. Pavarësisht se këto kufizime janë reale ose të imagjinuara, të kaluara apo të tanishme, të gjitha duhet të merren parasysh dhe të trajtohen, nëse duam që modifikimi i sjelljes të jetë i suksesshëm dhe i qëndrueshëm. Këshillimi duhet të sigurojë që, edukimi dhe informacioni të jepet në mënyrë të qartë dhe në përputhje me jetën e përditshme të personit në fjalë. Duhen marrë parasysh gjëra të tilla, si historinë e klientit, nevojat seksuale, puna, edukimi, aspiratat dhe shpresat. Këshillimi i familjes, të dashurve, miqve, punëdhënësve ose kolegëve të njerëzve me HIV, duhet të përfshijë dhënien e informacionit bashkëkohor. Nëse këshillimi do të jetë efektiv, së pari duhet të shihet si i pranueshëm. Pranueshmëria e tij gjithmonë do të përmirësohet, nëse në mënyrë të qartë merret parasysh natyra e shumë marrëdhënieve sociale, angazhimeve, detyrimeve që kanë individët. Secila nga këto marrëdhënie mund të ketë potencial për motivim e mbështetje të vazhdueshme. Këshillimi i njerëzve rreth infeksionit të HIV/AIDS është i rëndësishëm sepse;

-HIV është i përjetshëm.

-Një person i diagnostikuar me HIV mund të ketë një presion të jashtëzakonshëm

psikologjik, mund të bëhet pengesë për ndryshime konstruktive. HIV shoqërohet me

frikë, keqkuptim, stigma e diskriminim.

-Ndryshimi i sjelljes mund të parandaloj një person që të marrë virusin HIV, ose ta

transmetoj atë tek të tjerët.

Momente të vështira gjatë procesit të këshillimit

- Heshtja, klienti nuk do të flasë për një kohë të gjatë. Ky është një fenomen i njohur mes adoleshentëve, të cilët janë shumë të ankthshëm ose të zemëruar, zakonisht sepse ata janë dërguar për këshillim e testim kundër dëshirës së tyre .

-Klienti fillon qan, shpreh lirshëm ndjenjat dhe emocionet e veta.

-Klienti refuzon ndihmën.

Përgatitën:

Edlira MEMA

Osman DEDJA  

Për shkak të punimeve të planifikuara, rikonstruksion linjave 110 kV Fier-Jagodine (dy qarqe ) këto linja do të dalin në skemë remonti, deri më datë 05/12/2013, çdo ditë me kthim skemë nga ora 08:00 deri në orën 16 :30. Gjithashtu si mase sigurie do te dale ne po këto data linja 35 kV Fier –Patos.  Për  pasojë do të ketë mungesa në furnizimin me energji elektrike në zonat : Bashkia Patos , Ujësjellësi Patos, fshatrat Ndrelia, Fiqet,  Rrozhdia , Patos Fshat  dhe pjesërisht komunat Kurjan dhe Strum